Mańǵystaý oblysy Polısııa departamentiniń bastyǵy Qanat Taımerdenov atqarylǵan jumystardyń nátıjesinde Prezıdent Qasym-Jomart Toqaev belgilegen negizgi qyzmet baǵyttary boıynsha oń nátıjeler kórsetip, 5 aıdyń qorytyndysy sáıkes qylmys sany 5,5 %-ǵa tómendep, onyń ishinde aýyr qylmys 7,4 %–ǵa jáne asa aýyr qylmys 14,3 %–ǵa azaıǵanyn atap ótti.
Sonymen qatar, óńirde qaraqshylyq shabýyl, tonaý, bóten múlikti urlaý, onyń ishinde mal urlyǵy, buzaqylyq syndy qylmystar da birneshe paıyzǵa tómendegen.
5 aı ishinde aýyr jáne asa aýyr barlyǵy 1292 qylmystar ashyldy.
Zańsyz aınalymynan barlyǵy 100-den astam esirtki quraldary tárkilenip, Naýryz aıynda esirtki zattardy jetkizý jáne satýmen aınalysqan uıymdasqan qylmystyq top áreketiniń joly kesildi.
Oblys ákiminiń tapsyrmasyna sáıkes óńirdegi oıyn mekemeleriniń qyzmetterine tekserý júrgizilip, zańsyz jumys jasap júrgen 61 býkmekerlik keńse anyqtalǵan. Saldarynan kóptegen qylmys tirkelgen.
Jıyn sońynda óńir basshysy quqyq tártibi men qoǵamdyq qaýipsizdikti nyǵaıtý, tártip pen zańdylyqty saqtaý máseleleri jóninde birqatar naqty tapsyrmalar berdi. Sonymen qatar óńirdegi barlyq memlekettik organdardy býkmekerlik keńselerdi tekserý jáne zańsyz qyzmetterdi joıý baǵyty boıynsha birlese otyryp kúresý kerektigin atap ótti.
Mańǵystaý oblysy
