Bul – búkil álemde qolǵa alynǵan úderis
Sársenbi, 24 sáýir 2013 2:29
Eńbek jáne halyqty áleýmettik qorǵaý mınıstri Serik Ábdenov Qaraǵandy oblysynda saparmen júr. Jumys sapary barysynda Serik Ábdenov Temirtaý jáne Qaraǵandy qalalaryna taban tirep, jumysshylarmen kezdesý ótkizdi. Jıynǵa qatysý barysynda elimizdegi zeınetaqy júıesin jańǵyrtýǵa qatysty saýaldarǵa jaýap berip, atalmysh jobanyń tıimdiligin tilge tıek etti. Mınıstrdiń sapary budan keıin Jezqazǵan qalasynda jalǵasady.
Sársenbi, 24 sáýir 2013 2:29
Eńbek jáne halyqty áleýmettik qorǵaý mınıstri Serik Ábdenov Qaraǵandy oblysynda saparmen júr. Jumys sapary barysynda Serik Ábdenov Temirtaý jáne Qaraǵandy qalalaryna taban tirep, jumysshylarmen kezdesý ótkizdi. Jıynǵa qatysý barysynda elimizdegi zeınetaqy júıesin jańǵyrtýǵa qatysty saýaldarǵa jaýap berip, atalmysh jobanyń tıimdiligin tilge tıek etti. Mınıstrdiń sapary budan keıin Jezqazǵan qalasynda jalǵasady.
Temirtaý qalasynda mınıstr óndiris oryndarynyń jumysshylary, bilim berý, densaýlyq saqtaý, mádenıet, sport salalarynyń, kásipodaqtar jáne qoǵamdyq uıymdar ókilderimen kezdesýler ótkizdi.
– Zeınetaqy júıesin jetildirý jolyndaǵy qadamdardyń barlyǵy da jınaqtalǵan qarjynyń tolyq saqtalýy men turaqty ósimge qol jetkizý maqsatynda jasalyp jatyr, – deıdi mınıstr. Ulttyq bank pen Eńbek jáne halyqty áleýmettik qorǵaý, Qarjy jáne Ekonomıkalyq josparlaý mınıstrlikteriniń mamandarynan quralǵan vedomstvoaralyq jumys toby daıyndaǵan zań jobasy jınaqtaýshy zeınetaqy júıesin bir retke keltirýge múmkindik beredi. Ári bul saladaǵy jumystardyń jarııalylyǵyn qamtamasyz etpek. Negizgi maqsat – respýblıka halqynyń keleshekte de jetkilikti dárejede zeınetaqyǵa qol jetkizýine múmkindik jasaý.
Osydan keıin vedomstvo basshysy Qaraǵandyǵa taban tiredi. Onda da ol ártúrli sala qyzmetkerlerimen, kásip ıeleri jáne memlekettik mekeme basshylarymen kezdesýler ótkizdi.
Serik Ábdenovtiń aıtýynsha, zeınetaqy júıesin jańǵyrtý máselesi kúlli ǵalamdyq úrdiske aınalyp otyr. Tek bul máseleni qoǵam bolyp birlese qolǵa alǵanda ǵana júıeli túrde bir retke keltirýge bolady.
– Osy maqsatta bizdiń mamandar árbir óńirdi aralap, júzege asyrylyp jatqan jobanyń tıimdi tustaryn túsindirip qaıtty. О́ıtkeni, qoldanystaǵy jobanyń tıimsiz tustaryn baıqap otyrmyz. Úlestiń kemýi saldarynan jınaqtyq zeınetaqy júıesi qarqyn alyp kete almaı otyr. Onyń ústine eńbek ótiliniń mardymsyzdyǵynan jetkilikti dárejede zeınetaqy jınaǵyna qol jetkize almaıtyn qyzmetkerlerdiń de qatary artyp keledi. Bul bolashaqta zeınetaqy tóleý júıesiniń kúrt azaıýyna alyp keletin jaıt, – dep atap ótken mınıstr búgingi tańda memleket tarapynan mıllıondaǵan qazaqstandyqtardyń qoljetimdi zeınetaqy júıesine qol jetkizýine barynsha umtylys tanylyp jatqanyn aıtty.
Mınıstrdiń sapary endi Jezqazǵan óńirinde jalǵasady. Onda Sátbaev, Qarajal qalalary men Ulytaý aýdanynyń turǵyndarymen kezdesýler ótkizý josparlanǵan. Eki kúnge sozylatyn bul saparda Eńbek jáne halyqty áleýmettik qorǵaý mınıstri keminde 1,5 myńnan astam adammen kezdesedi dep kútilýde.
«Egemen-aqparat».
