Qazaq jerinen baqyt taptyq – deıdi ázerbaıjan qyzy Aıdan Eıvazova

Sársenbi, 1 mamyr 2013 2:08

Tramvaıda kele jatyr edim, qasymda otyrǵan  qyzdyń  uıaly telefonynan ánshi Nurlan Álimjanov aıtatyn «Aqqý qusym»  oınap qoıa berdi. Túri-túsi bólek jas qyz: «Áıgerim, qazir kelemin, kelesi aıaldamaǵa jaqyndap qaldym», – dep telefon shalǵan qurbysymen qazaqsha sóılesti.

Sársenbi, 1 mamyr 2013 2:08

Tramvaıda kele jatyr edim, qasymda otyrǵan  qyzdyń  uıaly telefonynan ánshi Nurlan Álimjanov aıtatyn «Aqqý qusym»  oınap qoıa berdi. Túri-túsi bólek jas qyz: «Áıgerim, qazir kelemin, kelesi aıaldamaǵa jaqyndap qaldym», – dep telefon shalǵan qurbysymen qazaqsha sóılesti.

– Qazaq tilinde jaqsy sóıleıdi ekensiń. Atyń kim? Qaı ult ókili bolasyń? – dep suradym.

– Ázerbaıjan qyzymyn. Atym – Aıdan, – dedi ol ádemi jymıyp.

– «Án aıtatyn qyz» degen túrik serıalyndaǵy Ferıde degen qyzdyń rólin oınaıtyn aktrısa Aıdannyń atyn qoıǵan ba? –  dedim.

– Múmkin. Túriksheden aýdarǵanda bul esim Aı, Aı nury, Aıdyń tolysyp týýy degendi bildiredi. Qa­zaqtar Aınur, Aıgúl, Aıman, Aısulý dep  kóp attar qoıady ǵoı. Sol sııaqty. Bir­ musylman halqymyz. Tilderimiz de uqsas. Anam Sha­paǵat, ákem Ǵasan Eıva­zov­tar Ekibastuzda, al áje­miz, týǵan-týystarymyz túgeldeı Ázerbaıjannyń Zardab aýdanynda turady. Demalys alǵanda, kanıkýl kezderinde baryp turamyz, – dedi ol taǵy da.

Aıaldamaǵa jetkenshe­  baılanys telefonyn­ alyp úlgergen edim. Aı­dan Eıvazova oblys orta­ly­ǵyndaǵy Sultan­mahmut Toraıǵyrov atyndaǵy  mem­lekettik ýnıversıtettiń  hımııa-tehnologııa fa­kýl­tetiniń 4-kýrsynda oqıdy eken. О́tkende tramvaıda kele jatqanda  munaı-hımııa zaýytynda óndiristik tájirıbeden ótip júrgen kezi eken. Ekibastuzdaǵy orta mektepti  orys tilinde bitiripti. Qazaq tilinde jaqsy sóılep ketýine aınalasy, dos-qurbylary, kórshisi Altyn apaıdyń áseri bolypty.

– Al Ekibastuzdaǵy  po­lıtehnıkalyq kolledjde oqıtyn inim Ádil de   qazaq tilinde jaqsy sóıleıdi, óıtkeni, dostarynyń bári  qazaq balalary, – deıdi Aıdan.

– Al úıde, otbasynda qaı tilde sóılesesińder?

– Árıne, ázerbaıjan tilinde. Ánderimizdi bile­miz, salt-dástúrimizdi saq­taımyz. Al qazaq ti­lin bilýimiz kerek, ol – qa­jettilik, biz osy jerde, osy Qazaq elinde turamyz, ata-anamyzdyń jumysy bar, úıli-kúılimiz, tynyshtyq, tatýlyq ornaǵan elde ómir súremiz. Ekibastuzda ata-ana­myzdyń basqa da ázer­baıjan dostary tu­ra­dy.  Bolashaǵymyz qa­zaq tilinde, sondyqtan kish­kentaıymyzdan qazaqsha sóılep, jazyp úırendik. Ákemiz Keńes Odaǵy kezinde Ekibastuzda ásker qatarynda bolyp, osy jerde qyzmette qalady. Ázerbaıjan jaqqa baryp súıgen qyzy, bizdiń  anamyz Shapaǵatty alyp keledi. Ákemiz Ǵasan aıt­qandaı, biz qazaq jerinen baqyt taptyq, endi ǵumyr boıy osy elde ómir súremiz, – dedi ol maqtanyshpen.

Aıdan qazir   baıanaýyldyq qurbysy  Marına Navalıhına ekeýi páter jaldap turady eken.

– Marına da  qazaqsha sóıleıdi. Sebebi, ol,  Baıan­aýyldyń qyzy ǵoı! – deıdi Aıdan. – Bolashaq matematık. Múmkin, oqý bitirgen soń, munaı-hımııa zaýytynda birge jumys jasaıtyn bolarmyz. Taǵy bir jaqsysy – biz páter jaldaıtyn úıdiń ıesi  Ramıza apamyzben qazaqsha sóılesip, til baılyǵymyzdy odan ári baıytýdamyz, tárbıelik-tanymdyq baǵytyndaǵy áńgimelerin tyńdaýdamyz. Biz soǵan qýanamyz.

Farıda BYQAI,

«Egemen Qazaqstan».

PAVLODAR.