Aýyl ákimi jeńe me, sýdıanyń áıeli jeńe me?

Seısenbi, 12 naýryz 2013 7:21

Qarapaıym halyqqa bermegen jerdi bılik ókiliniń áıeli ıemdenip otyr

Turar Rysqulov aýdandyq soty sýdıasynyń áıeli men osy aý­­dannyń ortalyǵy – Qulan aýy­ly­nyń ákimi sottasyp jatyr. О́zin kásipkermin dep tanystyrǵan Oraz­kúl Mirqalyqova, ıaǵnı sýdıanyń áıeli jergilikti bılik ókilin «bazar aldyndaǵy jerdi kásipkerlik maqsatta paıdalanýǵa bermegeni úshin» sotqa bergen. Biraq aýyl ákimi Álik Bektursynov bolsa: «Sý­dıa­nyń áıeli jalǵan qujat jasap alý arqyly jaıaý júrginshilerge arnalǵan jol jıeginen saýda nysanyn ashyp alǵan», deıdi.

Seısenbi, 12 naýryz 2013 7:21

Qarapaıym halyqqa bermegen jerdi bılik ókiliniń áıeli ıemdenip otyr

Turar Rysqulov aýdandyq soty sýdıasynyń áıeli men osy aý­­dannyń ortalyǵy – Qulan aýy­ly­nyń ákimi sottasyp jatyr. О́zin kásipkermin dep tanystyrǵan Oraz­kúl Mirqalyqova, ıaǵnı sýdıanyń áıeli jergilikti bılik ókilin «bazar aldyndaǵy jerdi kásipkerlik maqsatta paıdalanýǵa bermegeni úshin» sotqa bergen. Biraq aýyl ákimi Álik Bektursynov bolsa: «Sý­dıa­nyń áıeli jalǵan qujat jasap alý arqyly jaıaý júrginshilerge arnalǵan jol jıeginen saýda nysanyn ashyp alǵan», deıdi. Sýdıanyń áıeliniń saýdasy tıimdi jerden oıyp turyp oryn alyp alýy, jergilikti kásipker-saýdagerlerdiń de narazylyǵyn týǵyzýda.

Máseleniń mánisin aıtsaq, osy­dan eki jyl buryn jergilikti bılik­tiń sheshimimen aýdandaǵy ortalyq bazardyń aldyndaǵy saý­da nysandary joldy keńeıtý maqsatynda kóshirilgen. Bul, árıne, óz kezeginde saýda-sattyq ıeleriniń qarsylyǵyn týǵyzǵanymen, elge ortaq tártipke baǵynyp, «qutty oryndaryn» tas­tap, kete barǵan. Biraq, ókinishke qaraı, az ýaqyttan keıin álgi «jol­dy keńeıtý maqsatynda» bosa­tylǵan jerde saýda núkteleri qaı­ta­dan boı kótere bastaıdy. Onyń jańa qojaıyny Turar Rys­qu­lov aýdandyq sotynyń sýdıasy Dúısen Mirqalyqovtyń áıe­li Orazkúl Mirqalyqova bolyp shy­ǵady. Jergilikti bıliktiń aıtqa­ny­na kónip, typ-tynysh «qonys aýdarǵan» kásipkerlerdiń ashý-yzasyn týǵyzyp otyrǵan da «qolyńnan kelse, qonyshyńnan bas», degenge keletin osy jaǵdaı.

Oryngúl QOJANAZAROVA, saýdager:

– Sýdıa osy Qulan aýylynda turady. Dúısen Mirqalyqov degen kisi. Biz saýda núktelerimizdi tastap, jerdi bosatyp ketkennen keıin ol osy jerge tas qalap, dúken soqty. Sonda biz sııaqty qarapaıym halyqqa kelgende ruqsat bolmaıdy da, sýdıalardyń otbasyna ruqsat bola bere me?

Aýdandyǵy ortalyq bazardyń bastyǵy da sýdıanyń zaıybynan japa shegip otyrǵanyn aıtady.

Erlan SÚLEIMENOV, «Qulan» ortalyq bazarynyń bastyǵy:

– Sýdıanyń áıeli meniń jerimdi de alyp qoıyp otyr. Zańdy, «gos­aktisi» bar, jekemenshik telimimdi «sýdıamyn», «sýdıanyń áıelimin» dep, tartyp ala bere me?

Daýǵa sebep bolǵan dúkenniń ja­ny­nan uzyndyǵy – 85, eni – 12 metr­lik jer tegistelip, taǵy bir jańa nysan boı kótermek kórinedi. Onyń da ıesi kásipker Orazkúl Mir­qalyqova bolmaqshy. Biraq ol da aıylyn jııar emes. «Qujattarym zańdy», deıdi.

– Meniń de zańdastyrǵan qu­jat­tarym bar. Jumys istep jatqanyma 2 jyl boldy. О́zim zeınetkermin. Tirlik jasaıyn degen nıetim ǵoı, qujattarym túgel.

Álik BEKTURSYNOV, Qulan aýyldyq okrýginiń ákimi:

– Bul kisige «sizdiń jasap jat­qanyńyz zańsyz» dep talaı ret aıttyq. Biraq ózine «býtık» salý úshin berilgen orynnan basqa jerge, ıaǵnı qalaǵan jerine «tý tigip» otyr. Qolynda qujattary bolǵanymen, myna salynǵan «býtıginiń» qu­jat­tary durys emes.

Baısulý Aınabekova, saýdager:

– Myna dúkendi aýdandyq sot­tyń sýdıasy Dúısen Mirqalyqov degen kisi saldyrdy. Al biz bolsaq bul jerge saýda-sattyq jasaýǵa bol­maıdy degen soń sol jerdegi býd­kalarymyzdy aldyq ta kettik. Endeshe zańdy oryndaýdy talap etetin sottyń sýdıasy sol zańsyz de­gen jerge nege dúken saldyryp otyr? Mine, sol úshin ashynyp, shyryldap otyrmyz.

Turar Rysqulov aýdanynyń bir top saýdagerleri qazir tıisti oryndarǵa shaǵymdanýda. Biraq aýyl ákimi jeńe me, sýdıanyń áıeli jeńe me, ol jaǵy ázirge belgisiz.

Kósemáli Sáttibaıuly,

«Egemen Qazaqstan».

Jambyl oblysy,

Turar Rysqulov aýdany,

Qulan aýyly.