02 Shilde, 2019

Qazaqstandyqtar turǵyn úı kezegin online baqylaı alady

301 ret kórsetildi

Bul týraly Úkimet otyrysynyń qorytyndysy boıynsha ótken baspasóz konferensııasynda Indýstrııa jáne ınfraqurylymdyq damý mınıstri Roman Sklıar aıtyp berdi.

Áleýmettik sezimtal azamattar úshin turǵyn úı berý tetikterin jetildirý, osy prosestiń ashyqtyǵyn qamtamasyz etý, zań buzýshylyqtardy boldyrmaý, sondaı-aq azamattardyń aqparatqa qoljetimdiligin qamtamasyz etý maqsatynda bıylǵy jyldyń sońyna deıin kezektegilerdiń Biryńǵaı elektrondy bazasy qurylady.  

«Bul derekter bazasy búkil el úshin biryńǵaı bolady. Bizdiń azamattarymyzdyń elimizdiń túrli qalalarynda kezekte turǵany jasyryn emes, bul jańylystyrady, «egizderi» paıda bolady. Árkelkilik bar, sodan da derekterdiń sáıkessizdigi týyndaıdy.  Adam turǵylyqty jerin aýystyrady, onyń áleýmettik statýsy ózgeredi. Máselen, onyń endi bul kezekte turýǵa quqyǵy joq delik, biraq ol sonda qala beredi. Biryńǵaı derekter bazasyn qurý osyndaı jaǵdaılardy boldyrmaıdy», — dedi mınıstr.

Bul azamattarǵa óziniń kezegin onlaın rejımde baqylaýǵa múmkindik beredi. 

Ákimdikterdiń málimetteri boıynsha, bıylǵy jyldyń I toqsanynda kezekte turǵandardyń barlyq sany 496 myń adamnan asty. 2017 jyly jeltoqsanda ınventarızasııa júrgizý maqsatynda «Kezektegilerdiń biryńǵaı respýblıkalyq bazasy» servıstik baǵdarlamalyq ónim jasaldy, ol 2018 jyly kezekten 30 myńǵa jýyq adamdy alyp tastaýǵa múmkindik berdi. 

QR IIDM aqparatyna sáıkes, az qamtylǵan azamattar men jumys isteıtin jastardy turǵyn úımen qamtamasyz etý maqsatynda  «Nurly jer» baǵdarlamasy aıasynda qarjylandyrý qarastyrylǵan. Respýblıkalyq bıýdjetten jylyna 50 mlrd teńge nemese 7 jyl boıy 350 mlrd teńge bólý kózdelgen. Jyl saıyn turǵyn úımen 6 myń kóp balaly otbasy qamtylatyn bolady. Bıyl mamyr aıynan beri 1480 kóp balaly otbasyǵa turǵyn úı berildi. 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar