Jaýapsyzdyqqa urynǵandar jazasyz qalmaıdy
Beısenbi, 25 sáýir 2013 2:33
Qazir elimizde bolyp jatqan jol-kólik oqıǵalarynda esep joq. Olardyń bázbireýleri týraly estigende tóbe shashyń tik turady. Bulardyń kópshiliginde júrgizýshilerdiń jaýapsyzdyǵynan qanshama adam ólimge ushyrap jatady.
Myna oqıǵa da solardyń biri jaıly derek bildiredi.
Beısenbi, 25 sáýir 2013 2:33
Qazir elimizde bolyp jatqan jol-kólik oqıǵalarynda esep joq. Olardyń bázbireýleri týraly estigende tóbe shashyń tik turady. Bulardyń kópshiliginde júrgizýshilerdiń jaýapsyzdyǵynan qanshama adam ólimge ushyrap jatady.
Myna oqıǵa da solardyń biri jaıly derek bildiredi.
Bul oqıǵa ótken jylǵy qyrkúıektiń 30-y kúni jergilikti ýaqyt boıynsha saǵat 18.30 shamasynda oryn aldy. Osy sátte oblystyń Jańaqorǵan aýdany aýmaǵyndaǵy tas joldyń boıymen quıǵytyp kele jatqan júrgizýshi Nurlan Ábdiramanov kenet óziniń basqarýyndaǵy «Nissan Murano» kóliginiń tizginine ıe bola almaı, jol jıeginen asyp aýnap tústi.
Eń qaıǵylysy sol, kólik aýdarylǵan kezde onyń salonynda otyrǵan Indıra Ábıeva jáne Nurbına Espenbetova esimdi eki jolaýshy birden til tartpaı ketti. Osyǵan baılanysty qylmystyq is qozǵaldy. Biraq aldyn ala tergeý barysynda jábirlenýshi men seziktiniń tolyq kelisimge kelýlerine oraı qylmystyq is óndiristen qysqartylǵan.
Áıtkenmen, arada birshama ýaqyt ótkennen keıin qaza bolǵandardyń biriniń anasy G.Ábıeva aýdandyq prokýratýraǵa aryz jazyp, qabyldanǵan sheshimmen kelispeıtinin jetkizdi. Sebebi, sezikti N.Ábdiramanov marqum bolǵan qyzynyń qyrqyn, júzin, jylyn ótkizýge tolyq kómektesemin dep ýáde bergenine qaramastan, kúıeýi B.Ábıevten aldap keshirim alyp, qarasyn kórsetpeı ketken. Sonymen qatar, oblystyq ishki ister departamenti anyqtaý basqarmasynyń sezikti N.Ábdiramanovqa QR QK-niń 67-baby 2-bóliginiń talaptaryn qoldanýda oqıǵa saldarynan eki adamnyń ólimge ushyraǵanyn nazardan tys qaldyrǵany anyqtaldy.
Osyǵan oraı Jańaqorǵan aýdandyq prokýratýrasy aǵa anyqtaýshy T.Nurymbetovtiń qylmystyq isti óndiristen qysqartý týraly qaýlysynyń kúshin joıyp, isti oblystyq anyqtaý basqarmasyna tergeýdi jańǵyrtý úshin keri joldady. Nátıjesinde, basqarma atalǵan qylmystyq isti qaıta qolǵa alyp, qosymsha tergeý amaldaryn uıymdastyrdy. Osy boıynsha N.Ábdiramanovqa QK 296-baby 3-bóligimen aıyp taǵylyp, Jańaqorǵan aýdandyq sotyna joldandy. Al sot N.Ábdiramanovty taǵylǵan aıyp boıynsha kináli dep tanyp, ony 5 jyl merzimge bas bostandyǵynan aıyrýǵa úkim shyǵardy. Sonymen qatar, oǵan QK-niń 63-baby qoldanylyp, 2 jyl synaq merzimine jiberildi.
Jańaqorǵan aýdany prokýrorynyń kómekshisi Rýslan Alataevtyń habarlaýynsha, aýdandyq prokýratýra atalǵan aryzdy qaraý barysynda qylmystyq is boıynsha zań buzýshylyqtardy anyqtap, oblystyq anyqtaý basqarmasynyń aǵa anyqtaýshysy, polısııa podpolkovnıgi T.Nurymbetovtiń tártiptik jaýapkershiligin sheshý úshin tártiptik óndiris qozǵaǵan. Onyń qaralý qorytyndysy boıynsha oblystyq IID bastyǵynyń buıryǵymen atalmysh qyzmetkerge eskertý berildi.
Erjan BAITILES,
«Egemen Qazaqstan».
Qyzylorda oblysy.
