Shymkenttegi Ádet-ǵuryp jáne salt-dástúr ortalyǵynda «Dástúrim – asyl qazynam» ensıklopedııalyq jınaǵy men «Ulttyq kıimder» atty (albom) kitaptardyń tusaýkeser rásimi ótti.
Kitaptyń tusaýkeser keshine «Nur Otan» partııasy Shymkent qalalyq fılıaly tóraǵasynyń orynbasary Baýyrjan Qýanyshbekov, Shymkent qalalyq mádenıet, tilderdi damytý jáne arhıvter basqarmasy basshysynyń m.ý.a. Ábdijappar Sáken, «Otyrar» ǵylymı-ámbebap kitaphanasynyń dırektory Kúlııa Aıdarbekova, Shymkent qalasy boıynsha «Rýhanı jańǵyrý» jobalyq keńsesiniń meńgerýshisi Záýre Oralbaeva, zııaly qaýym ókilderi qatysty.
Atalǵan týyndyǵa ultymyzdyń umyt bola bastaǵan salt-dástúrleri, jón-joralǵylary, ulttyq oıyndardy, rýhanı muralary engen. Osy rýhanı qazyna arqyly qazirgi jahandaný ýaqytynda tarıh qoınaýynda jatqan asyl qundylyqtarymyzdy óskeleń urpaqtyń sanasyna sińirý kózdelgen.
