«Strategııa-2050» – ortalyq qyzmetiniń basymdyǵy
Juma, 11 qańtar 2013 7:29
«Nazarbaev ortalyǵy» MM-inde Prezıdent N.Nazarbaevtyń Qazaqstan halqyna arnaǵan uzaqmerzimdi «Qazaqstan-2050» Strategııasy – qalyptasqan memlekettiń jańa saıası baǵyty» Joldaýy talqylandy.
«Nazarbaev ortalyǵy» ujymynyń aldynda sóz sóılegen mekeme dırektory Qanat Saýdabaev eldiń uzaqmerzimdi strategııalyq baǵytynan týyndaıtyn mindetter týraly aıta kelip, «Qazaqstan-2050» Strategııasyn Elbasymyzdyń kóregendigi men strategııalyq utqyrlyǵynyń jáne bir naqty dáleli» dep atady.
Juma, 11 qańtar 2013 7:29
«Nazarbaev ortalyǵy» MM-inde Prezıdent N.Nazarbaevtyń Qazaqstan halqyna arnaǵan uzaqmerzimdi «Qazaqstan-2050» Strategııasy – qalyptasqan memlekettiń jańa saıası baǵyty» Joldaýy talqylandy.
«Nazarbaev ortalyǵy» ujymynyń aldynda sóz sóılegen mekeme dırektory Qanat Saýdabaev eldiń uzaqmerzimdi strategııalyq baǵytynan týyndaıtyn mindetter týraly aıta kelip, «Qazaqstan-2050» Strategııasyn Elbasymyzdyń kóregendigi men strategııalyq utqyrlyǵynyń jáne bir naqty dáleli» dep atady.
15 jyl buryn, 1997 jyly Elbasy N.Á.Nazarbaev qazaqstandyqtarǵa kóptegen adamdar úshin qııal bolyp kóringen «Qazaqstan-2030» maqsatty Strategııasyn usynǵan edi. Onyń sátimen júzege asyrylýyna kúmándanýǵa da negiz joq emes-ti. О́ıtkeni, ol ýaqytta Qazaqstan Keńes Odaǵynyń ydyraýynan endi ǵana aıyqqan ári biryńǵaı ekonomıkalyq júıesi joq, shyn máninde kún tártibine egemendi memleket retinde ómir súrý máselesin qoıǵan el-tin. Aǵa býyn kásiporynnyń búıirinen qadalǵan qarjynyń qunsyzdanýy men jumyssyzdyqtyń joǵary shegin, elektrdiń óshirilýi men dúkenniń jartylaı bos sórelerin jáne basqa da sol kezeńniń belgilerin áli umyta qoıǵan joq, dedi Q.Saýdabaev. Degenmen, eldiń uzaqmerzimdi strategııalyq damý baǵytyn aıqyndap alǵan Memleket basshysy eldiń magıstraldi baǵytynan aýytqymaı, senimdi ósý jolyna túsken naqty baǵdardy belgiledi. 1997 jyly 2030 jylǵa deıingi strategııalyq jospar belgilense, olardyń eń bastylaryna búginde qol jetkizildi. Onyń jarqyn dáleli Qazaqstannyń postkeńestik jáne odan tys elderde jetekshi pozısııadaǵy tabysty, dınamıkalyq damýshy memleketke aınalǵanyna senýge bolady. Qazaqstan Respýblıkasy bolashaqqa umtylǵan qýatty memleket, halyqaralyq arenada jaýapty seriktes retinde qalyptasty.
Sózin ári qaraı jalǵaǵan Q.Saýdabaev «2050 Strategııasy» Qazaqstannyń uzaqmerzimdi basymdyqtary men múmkindikteriniń pragmatıkalyq baǵalaryn, álemdik órkenıettiń damýy men naqty jaǵdaıyn esepke alyp ázirlengenin atap ótti. Memleket basshysynyń jańa baǵdarlamasynyń Qazaqstanda, sondaı-aq sheteldikterdiń arasynda keńinen qoldaý tabýy da kezdeısoqtyq emes… Sóz Qazaqstannyń 2050 jylǵa qaraı álemniń damyǵan jáne órkendegen 30 memleketiniń qataryna qosylýy týraly bolyp otyr, strategııanyń eń basty maqsaty – qazaqstandyqtardyń ómir súrý deńgeıi men sapasyn túbegeıli arttyrý. Jáne ol árdaıym Memleket basshysynyń barlyq jasampaz qyzmetiniń kvıntessensııasy bolyp keledi.
Jańa Joldaýynda Prezıdent N.Nazarbaev memleketti ári qaraı nyǵaıtý, onyń qaýipsizdigi men azamattarynyń ál-aýqatyn arttyrýdyń keshendi sharalaryn, qazaqstandyq qoǵamdy jańǵyrtýdyń jańa belesindegi strategııalyq basymdyqtardy anyqtady.
«Nazarbaev ortalyǵy» jumysynyń basty baǵyty – táýelsiz memleketimizdiń qalyptasýy men damýyn zertteý men kópshilikke keńinen tanytý bizdiń budan keıingi jumysymyzdyń negizi bolyp qala beredi, dedi óz sózinde «Nazarbaev ortalyǵy» memlekettik mekemesi muraǵattyq-kitaphana qyzmetiniń basshysy Ásııa Toqtaýylqyzy. Ásııa Súleımenovanyń pikirinshe, «Qazaqstan-2050» Strategııasynda bolashaqtyń naqty, tolyq jospary qamtylǵan. Ol «Bizdiń bolashaǵymyz qandaı bolady?» degen suraqqa jaýap beredi. Onyń tabysty júzege asyrylýy úshin biz ózimizdiń sanamyzdy ózgertýimiz kerek, óz-ózimizdi tárbıeleýimiz kerek, aldymyzǵa bıik maqsattar qoıyp, elimizben birge soǵan umtylýymyz kerek.
«Nazarbaev ortalyǵy» mýzeı qundylyqtaryn esepke alý, saqtaý, restavrasııalaý jáne konservasııalaý qyzmetindegi qor saqtaý bóliminiń bastyǵy Natalıa Vovk Joldaýda kóterilgen eń mańyzdy másele dep adam kapıtalyn damytýdy atady. Sózimniń dáleli retinde Qazaqstanda týyp-óskenimdi, tegin bilim alyp, bedeldi ujymda mamandyǵym boıynsha qyzmet etip kele jatqanymdy aıtar edim. Memleket maǵan eńbek etýge, demalýǵa, medısınalyq qyzmetke kepildik beredi, «Nazarbaev ortalyǵynda» ári qaraı da kásibı jetildirýge: biliktilikti tegin arttyrý, jańa tehnologııalardy meńgerý, zamanaýı qural-jabdyqtarmen jumysqa jaǵdaı jasalǵan. Osy qańtar aıynda Memlekettik turǵyn úı baǵdarlamasyna qatysýshy retinde kópten kútken páterdiń de kilti qolyma tıdi, dep ujymǵa óziniń qýanyshyn jetkizdi.
«Nazarbaev ortalyǵynyń» ujymy sońǵy 20 jyl ishindegi respýblıkada júrgizilgen keń aýqymdy reformalar týraly jáne Qazaqstannyń kópkonfessııaly jáne kópetnosty qoǵamdaǵy beıbitshilik pen kelisimdi saqtaýdaǵy jetistikterin atap ótip, ekonomıkalyq jáne saıası turaqtylyq pen aımaqtyq qaýipsizdik máselelerine de toqtaldy.
Jınalysta sóz alǵan ekspozısııalyq-kórme, ekskýrsııa jumysy men eksponanttardy qorǵaý qyzmetindegi ekskýrsııa bóliminiń sarapshysy Altyntas Satarbaı: «Nursultan Nazarbaev bizge laıyqty bolashaqqa baǵyttalǵan jańa saıası jáne ekonomıkalyq joldy nusqady. Sondaı-aq Prezıdent búginde memlekettik jastar saıasatynyń jańa tujyrymdamasy ázirlenip jatqanyn tilge tıek etti. Bul – jastar úshin basymdyqtary naqty kórsetilgen óte mańyzdy qujat», dedi.
Jınalysqa qatysýshylardyń pikirinshe, «Qazaqstan-2050» Strategııasynyń negizgi mejelerin eldegi jáne sheteldegi qalyń qaýymǵa jetkizý men túsindirý «Nazarbaev ortalyǵy» qyzmetiniń mańyzdy basymdyǵy bolyp belgilengen.
Nursultan Nazarbaevtyń barlyq bastamalaryn tolyǵymen qoldaı otyryp, bizdiń Ortalyqtyń qyzmetkerleri ózge de qazaqstandyqtar sııaqty barlyq kúsh-jigerin Joldaýda kórsetilgen mindetterdi oryndaýǵa jumsaıtyn bolady dep senemin. «2050 Strategııasynda» mazmundalǵan josparlardyń barlyǵy sátti iske asyrylatyny sózsiz, oǵan ultymyz ben Elbasymyzdyń birligi, halqymyzdyń sarqylmas kúshi men jasampaz qýaty kepil bolady, dep qorytyndylady Q.Saýdabaev.
«Egemen-aqparat».
