Mysaly, 2019 jyly túlekterdiń sany 143 089 (Statıstıka komıtetiniń derekteri boıynsha) bolsa, bólingen granttardyń sany 50 myńnan asady. Sáıkesinshe túlekterdiń 70 paıyzy grantqa ilikpeıdi, sondyqtan oqýǵa qarajat izdestirý qajet bolady.
Sheshim:
Qazaqstannyń kolledjderi men JOO-larynda oqýdyń qoljetimdiligin keńeıtý maqsatynda talapkerler men stýdentterge negizgi qaryz somasyn tóleý merzimin 10 jylǵa deıin shegerý múmkindigimen kepilzatsyz stýdenttik kredıt alýǵa jaǵdaı jasalyp otyr. Kredıtter boıynsha kepilmen qamtamasyz etý retinde Qazaqstan Respýblıkasynyń Bilim jáne ǵylym mınıstrligi janyndaǵy Qarjy ortalyǵynyń kepildigi júredi.
Artyqshylyqtary:
- jeńildikti kezeń (keıinge shegerý): negizgi qaryz somasyn óteý oqý merzimi aıaqtalǵan jáne ol oqý bitirgen soń 6 aıdan keıin júzege asyrylady;
- kredıttiń berilý merziminiń uzaqtyǵy: aıyppul sanksııalaryn almaı merziminen buryn óteý múmkindigimen 10 jylǵa deıin,;
- kredıttiń búkil Qazaqstan boıynsha qoljetimdiligi;
- kredıttiń somasy boıynsha shekteýlerdiń bolmaýy (oqýdyń qunynan artyq emes);
- oqý ornyn tańdaýda shekteýlerdiń bolmaýy;
Rásimdeý qadamdary:
Stýdenttik kredıt alý tásili mynadaı:
1) talapker/stýdent keńes alý úshin bankke nemese Qarjy ortalyǵyna júginedi, qajetti qujattardy jınaıdy jáne ony óz óńirindegi nemese oqý orny boıynsha bankke tapsyrady;
2) bank pen Qarjy ortalyǵy tarapynan oń sheshim qabyldaǵannan keıin bankpen qaryz sharty jasalady jáne kredıt somasy oqý ornynyń shotyna aýdarylady;
Stýdenttik nesıeni alý úshin negizgi jumys orny boıynsha alynǵan tabystary jáne sońǵy 6 aıǵa zeınetaqy aýdarymdary bar bir/eki qosalqy qaryz alýshynyń bolýy talap etiledi.
Balamaly múmkindik:
bolashaq bilim berýdi josparlaý
Balalarynyń tabysty bolashaǵyn erte jastan (balabaqsha, mektep) bastap josparlaǵysy keletinder jáne olar oqýǵa túsken kezde oqý aqysyn tóleýmen qınalǵysy kelmeıtin azamattar úshin memlekettik bilim berý jınaqtaý júıesi sheńberinde «AQYL» arnaıy bilim berý depozıtinde bolashaqta oqýǵa qarajat jınaqtaýǵa múmkindik beriledi.
«AQYL» bilim berý depozıtine bankten syıaqy jáne memleketten aqshalaı syılyqaqy eseptelip otyrady. Sonymen qatar depozıt úshinshi tulǵalar tarapynan tyıym salýlar men ózge shekteýlerden qorǵalǵan jáne 10 mln teńgege deıin memlekettiń kepildigi bar.
«AQYL» bilim berý depozıti balalardyń atyna ashý úshin ǵana arnalmaǵan, ol sondaı-aq barlyq jastaǵy azamattar úshin de, qarjylyq jaǵdaıyna qaramastan barlyq otbasylarǵa da qoljetimdi.
«AQYL» bilim berý depozıtinde Qazaqstanda jáne shetelde oqýdyń aqysyn jınaqtaýǵa bolady.
Konsýltasııa:
Nur-Sultan q-y,
Máńgilik el d-y, 18
8 (800) 080-28-28 (tegin)
8 (7172) 695-044
www.fincenter.kz,
www.kredit.fincenter.kz,
www.depozit.fincenter.kz
Anyqtama úshin:
«Qarjy ortalyǵy» AQ Qazaqstan Respýblıkasy Úkimetiniń 2005 jylǵy 1 maýsymdaǵy № 541 qaýlysyna sáıkes Qazaqstan Respýblıkasy Bilim jáne ǵylym mınıstrligi «Qarjy ortalyǵy» memlekettik mekemesinen qaıta qurý jolymen qaıta uıymdastyryldy.
«Qarjy ortalyǵy» AQ qyzmetiniń negizgi máni aqshalaı nysanda oryndalýdy kózdeıtin bilim berý kredıtteri boıynsha kepildikter berý, sondaı-aq buryn berilgen memlekettik bilim berý jáne stýdenttik kredıtterdiń qaıtarylýyn qamtamasyz etý bolyp sanalady.
Asqar IBRAIMOV,
«Qarjy ortalyǵy» AQ prezıdenti
