Jaǵymdy ister jan jadyratady

Búginde onyń bári ertegi sııaq­ty. Keshegi basqan aıaǵy keri ketken aýdandar búginde kórkeıip keledi. Jaqynda Qyzylorda oblysynyń ákimi Qýanyshbek Ysqaqov Shıeli aýdanyna issaparmen baryp, «Baıqońyr Solar» seriktestiginiń elektr stansasy qurylysynyń irgetasyn qalaý rásimine qatysty.

Sulýtóbe aýyldyq okrýgindegi elektr stansasy kúnine 50 kVt elektr qýatyn óndiredi. Aýylda ornalasqan osy stansanyń kúshi qasyndaǵy aýdandardan bólek, oblys ortalyǵyna da elektr qýatyn taratýǵa jetedi eken.

«Memlekettik qoldaý arqyly júzege asyrylyp jatqan jo­baǵa biz de kómek berip, ári qa­raı aýqymyn keńeıtýge, da­mytýǵa da­ıynbyz. Aldaǵy ýa­qytta áleýmettik kómek ese­binde kún elektr stansasy ja­qyn ornalasqan eldi meken tur­ǵyndaryna jeńildikter kórsetilý jaǵyn qarastyrǵan jón», dedi oblys ákimi.

Bul jobany «Qazyna Ka­pıtal menedjment» AQ jáne «Iýnaıted Grın Brıtandyq holdıngi» qarjylandyrady. Iske qosylǵannan keıin 23 adam jumyspen qamtylatyn bolady.

Tartoǵaı eldi mekeninde 2016 jylǵy tamyzda paıdalanýǵa berilgen jeke kásipker N.Serik­baıdyń naýbaıhanasy bar. Shaǵyn naýbaıhana kúnine 250-300 bólke nan, 150 toqash, 100 samsa jáne 100 shelpek shyǵaryp, Tartoǵaı, Maılytoǵaı, Botabaı eldi mekenderin jáne ZK-169/4 mekemesin nan ónimderimen qamtamasyz etip otyr. Oblys áki­mi osy eldi mekendegi aýyldyq klýbtyń jumysymen tanysty. 150 oryndyq klýb úıinde án, bı, sýret, toǵyzqumalaq jáne shahmat úıirmeleri jumys isteıdi.

Qýanyshbek Dosmaıyluly Jólek eldi mekenindegi memleket-jekemenshik áriptestik aıasynda salynǵan dárigerlik-ambýla­torııalyq emhananyń ashylý sal­tanatyna qatysty. Emdeý mekemesinde kúndizgi stasıonar, akýsherlik, hımazator, ıne shanshý, egý bólmeleri bar.

«О́zderińiz bilesizder, memleket tarapynan áleýmettik sa­lany qoldaý úshin kóptegen jumystar atqarylyp jatyr. Oblystyq bıýdjettiń jartysynan kóbi áleýmettik salaǵa jum­salady. Byltyr oblysta 5 aýrýhana, 9 medısınalyq ambýlatorııa salynǵan. Bıyl el­di mekenderde 9 emdeý mekemesi boı kóterdi. Osynyń barlyǵy – memleket tarapynan elimizdiń bas­ty baılyǵy adam jáne onyń densaýlyǵyna jasalǵan jaǵ­daı dep bilemiz. Sondaı-aq mem­lekettik qyzmetkerlerdiń aılyǵy 1 maýsymnan bastap 30 paıyzǵa kó­beıdi. Oblys ákimdigi tarapynan da ári qaraı tıisti qoldaý kór­setiletin bolady», dedi óńir bas­shysy.

Oblys ákimi aýdanǵa jumys sapary aıasynda turǵyndardyń dene shynyqtyrýyna jaǵdaı jasaý úshin ashylǵan Alǵabas aýylyndaǵy sporttyq saýyqtyrý kesheninde boldy. Munda shaǵyn fýtbol, voleıbol, kúres, boks jáne jattyǵý zaldary bar.

Odan keıin Shıeli kentindegi qubyr zaýytyna bardy. Nysan­nyń jalpy alańy – 30 gektar, qýaty jylyna 1 mln 600 myń qu­byrǵa teń. Kásiporynda 104 adam jumyspen qamtylǵan. Za­ýytta tómen qysymdaǵy polıetılen qubyrlary, polıvenılhlorıt qubyrlary, gaz qubyrlary, tehnologııalyq qu­byr­lar jáne taǵy basqa ónim­der Qazaqstannyń ishki naryǵyna shyǵarylady.

Shıeli kentindegi «Dýman – Shıeli» JShS-niń arnaýly áleýmettik qyzmetter kórsetý or­­talyǵynda jasyna baılanysty ózine qyzmet kórsetýge múmkindigi joq egde adamdarǵa jáne tirek-qımyl apparaty bu­zylǵan múgedek balalarǵa ar­nalǵan ortalyqta 54 qyzmetker ju­mys isteıdi.

О́ńir basshysy budan soń «Bastaý» saýyqtyrý keshenine, «Qazatomónerkásip» UAK» AQ-na qarasty №6 ken basqarmasyna (munda 402 adam jumyspen qam­tylǵan), jeke kásipker B.Áshir­bekovtiń kúrish aqtaý jáne qurama jem zaýytyna bardy.

Kelesi nysan – «Gejýba Shıeli Sement» JShS sement za­ýyty jylyna 1 mln tonna sement óndiredi. Syrtqy naryqqa – 30%, ishki naryqqa 70% ónim shyǵarylady. Kásiporynǵa ındýstrııalyq aımaqtan 52 gek­tar jer ýchaskesi berilgen. 2017 jyly 22 jeltoqsanda In­dýs­trııa jáne ınfraqurylymdyq damý mınıstrliginen preferensııa alýǵa ınvestısııalyq kelisimshartqa, áktas shyǵarýǵa kelisimshartqa qol qoıylǵan.

Al «Arý Ana» túıe sútin óń­deý sehy kúnine 400 lıtr shubat ón­­diredi. О́nim kórshi aýdandarǵa, Almaty, Aqtóbe, Qyzylorda qa­lalaryna tasymaldanady. Mem­leket basshysy Qasym-Jomart Toqaev ár deńgeıdegi ákimderge ha­lyq­pen jaqyn aralasýdy, qor­dalanǵan problemalaryn keńese otyryp sheshýdi udaıy aıtyp keledi.

Sapar barysynda oblys ákimi birneshe eldi mekenniń tur­­­­ǵyndarymen kezdesip, jer­gilikti halyqtyń tynys-tir­shi­ligimen tanysty. Sondaı-aq bar­lyq deńgeıdegi ákimderge tur­ǵyn­dar­dyń jumyssyzdyq máse­lesin sheshý kerektigin qatań tapsyrdy.

Bul bir aýdandaǵy qaınap jatqan tirshiliktiń mysaly ǵana. Búginde Qyzylorda oblysynda barlyq qala, aýdandar damýdyń jańa deńgeıine shyǵyp keledi.

Qyzylorda oblysy