«IýNISEF» uıymy aýqymdy sharany qazan aıynda ótkizýdi josparlap otyr.
Jasóspirim arnaıy ınstagram paraqshasyn ashyp, óz blogynda Petropavl qalasynyń ınfraqurylymyna qatysty problemalardy aıta kelip, sheshý joldaryn qarastyrǵan. Ol óz usynysynda shahar eń aldymen balalar úshin barlyq jaǵynan qolaıly bolý kerek dep esepteıdi. Bul oraıda qoǵamdyq kólik qozǵalysyna qatysty ózkti máseleler tańdap alynǵan.
«Meniń oqyrmandarymnyń biri balalardyń quqyǵyn qorǵaýmen aınalysatyn «IýNISEF» uıymynyń qazaqstandyq baıqaýyna qatysýymdy ótindi. Bálkim, 18 jasqa tolmaǵandardyń áleýmettik problemasyn ashyq aıtýym oǵan unap qalsa kerek», deıdi Álıhan.
Ol qoǵamdyq kólik máselesin jan-jaqty zertteýge jarty aıǵa jýyq ýaqytyn jumsapty. Osy aralyqta áleýmettik saýalnamalar júrgizip, qala turǵyndarynan avtobýstardyń sapasy men qyzmeti jaıly surastyrǵan. Keıin ózge shaharlarmen salystyra otyryp, kem-ketik tustaryn anyqtaǵan. Eń birinshi kezekte jol aqysyn qaıta qarastyrý qajet degen tujyrymǵa kelgen. Onyń oıynsha kúndelikti qoǵamdyq kólik qyzmetin oqýshylar kóp paıdalanady. 15 jasqa tolmaǵan balalar úshin jolaqy 40 teńge bolsa, qalǵandary úshin – 80 teńge. Sońǵy baǵa esh negiziz belgilengen. Bala quqyqtary týraly Konvensııaǵa sáıkes 18-ge deıingi balalardyń quqyqtary birdeı, teń. Osy sebepti kámelettik jasqa tolmaǵan balalardyń barlyǵy úshin jolaqy quny 40 teńgeden aspaýy qajet.
Taǵy bir másele – avtobýstar baǵyttary kórsetilgen syzba. Nur-Sultan qalasynda mundaı syzba árbir aıaldamada bar. О́kinishe oraı bul jańashyldyq teriskeıge jete qoımapty. Álıhan óz syzbasyn daıyndap, ázirge 3 aıaldama úshin qurastyrypty. Onda avtobýs stansııasynan bastap qoǵamdyq kóliktiń qaıda baratynyna deıin kórsetilgen. Jobany bolashaq ýrbanıst qalalyq ákimdik ókilderine usynbaq nıette.
Ony qazan aıynda Germanııanyń Kıoln qalasynda ótetin halyqaralyq sammıt tosyp tur.
Soltústik Qazaqstan oblysy
