24 adam jantásilim etti

Bıylǵy jazdyń aptap ystyq­tarynda óńirde 21 soltústikqazaq­stan­dyqtyń ajaly sýdan bolsa, qyzyl tili sýmańdaǵan alapat órtten kóz jum­ǵandardyń sany – 24. Osyn­daı qaıǵyly oqıǵalardyń biri jýyr­da ǵana oblys ortalyǵynda oryn al­dy. Atap aıtqanda, Fevral kóshe­sinde bir baspananyń qyzyl jalynǵa oran­ǵany týraly Tótenshe jaǵdaılar depar­tamentiniń kezekshi bólimine bir qyz janushyra habarlaǵan. Oqıǵa ornyna órt sóndirýshilerdiń qut­qarý toby jedel jetkenimen, qora-qopsy men saraıdyń kúl astynda qalǵanyn kórgen. 62 jastaǵy úı ıesi tútinge tunshyqqan kúıi jan tapsyrǵan.

Jyl basynan beri «tilsiz jaý» qushaǵynan 34 adam qutqaryldy. О́kinishke qaraı, 24 adam kóz jumyp, 14 adam túrli dene jaraqatyn aldy. Kóbi ishimdikke áýes, turmysy nashar jandar. Mundaı qaıǵyly jaǵdaılar órt qaýipsizdigi erejelerin qatań saq­tamaý saldarynan bolyp jata­dy. Kóbine eresekter kináli. Teme­ki tuqylyn óshirmeý, elektr qural­daryn toq kózinen ajyratpaý, pesh­ti qaraýsyz qaldyrý sekildi óres­kel aǵat­tyqtar jıi jiberiledi, dedi oblys­tyq Tótenshe jaǵdaılar depar­ta­menti baspasóz ortalyǵynyń bas mamany Evgenıı Jýravlev.

Oblystyq tótenshe jaǵdaılar departamenti bastyǵynyń oryn­basary Erik Sarybaev bergen máli­­met­ter boıynsha, jyl basynan beri 435 órt oqıǵasy tirkelip, kelti­ril­gen shyǵynnyń mólsheri 46 mıl­lıon teńgeni quraǵan. Byltyrǵa qara­ǵan­da bul kórsetkishtiń 39 paıyzǵa kóbeı­geni baıqalady. Sonymen qatar 52 av­to­­­kólik otqa oranǵan. О́ńirde or­man órti de azaımaı tur. Jyl basynan beri 53 gektar aýmaqtyń aǵashy ór­ten­­gen. Sóıtip ótken jylmen sa­lys­tyr­ǵanda 45,5 paıyzǵa artyp, orman qory­nyń erekshe aımaqtaryn da sharpyǵan.

25 mobıldik toppen birlesip, 223 reıdtik shara júrgizilip, 34 zańdy jáne jeke tulǵalardyń ákimshilik jaýapkershilikke tartylǵanyna qara­mastan naqty nátıjeniń azdyǵyna qaraǵanda Ákimshilik kodeks talaptaryn áli de qatańdatý qajet sekildi.

Soltústik Qazaqstan oblysy