Jumys toptarynyń óńirlerge shyǵýy jáne «E-Halyq» aqparattyq júıesi bazasynda júrgizgen taldaý barysynda ýchaskelik komıssııalardyń otbasynyń materıaldyq jaǵdaıyn anyqtaýǵa nemquraıly qaraý, kásipkerlik (eńbek) qyzmetten túsken tabysty «jasandy» tómendetý, eńbek qatynastary men jeke qyzmet boıynsha tirkeýdiń bolmaý faktilerin anyqtady.
Osylaısha, AÁK alýshylar tarapynan tabystaryn jasyrý eń kóp taralǵan buzýshylyq bolyp otyr.
Mysaly, kámeletke tolmaǵan eki bala tárbıelep otyrǵan Almaty oblysynyń 25 jastaǵy turǵyny aǵymdaǵy jyldyń mamyr aıynda AÁK alý úshin júgingen. Tabys retinde ol jubaıynyń jalaqysyn 43 myń teńge dep kórsetken. Bul málimetter mindetti zeınetaqy jarnalarymen rastalyp, otbasyǵa jylyna 739 860 teńge mólsherinde AÁK taǵaıyndalǵan. Alaıda, shildede jumys berýshi birinshi toqsan úshin qosymsha 77100 teńge kóleminde qosymsha MZJ tóledi. Osylaısha, MZJ boıynsha ótinish berýshiniń naqty tabysy aıyna 300 myń teńgeni nemese 2019 jylǵy birinshi toqsanda 900 myń teńgeni qura otyr.
Taǵy bir mysal: Mańǵystaý oblysynyń 25 jastaǵy turǵyny sáýir aıynda otbasy quramynda 3 adamdy, onyń ishinde bir kámeletke tolmaǵan balany kórsetip, AÁK-ke qujattar tapsyrǵan.Tabys retinde ol 42,353 teńge jalaqysyn ǵana kórsetip, oǵan 4 235 teńge mólsherinde MZJ tólengen.Oǵan AÁK 706 944 teńge somasynda taǵaıyndaldy.Oǵan qańtar-naýryz aılaryndaǵy eńbegi úshin maýsym aıynda jalpy somasy 86 617 teńge qosymsha MZJ tólendi. Tıisinshe, járdemaqy alýshynyń jalpy tabysy 2019 jylǵy birinshi toqsanda 908 527 teńgeni qurap otyr.
Osylaısha, bul azamattar ózderiniń tabystarynyń AÁK berý ólshemderinen asyp túsetinin bile otyryp, olardyń mólsherin tómendetip, áleýmettik qyzmetterge jalǵan aqparat bergen.
«E-Halyq» aqparattyq júıesiniń derekterine sáıkes, 21 myńǵa jýyq otbasy tabysy tómen jáne muqtaj otbasylarǵa ǵana beriletin ataýly áleýmettik kómekti zańsyz alý úshin ózderiniń naqty tabysyn jasyrǵan.
Osyǵan baılanysty, Mınıstrlik ákimdiktermen birlesip, «Memlekettik ataýly áleýmettik kómek týraly» Qazaqstan Respýblıkasynyń Zańyn buza otyryp ruqsatsyz tólengen tólemderdi qaıtarý jáne qaıta qaraý, zańbuzýshylyqtardyń aldyn-alý boıynsha árbir anyqtalǵan fakti boıynsha jeke-jeke jumys júrgizedi.
Aǵymdaǵy jylǵy 15 tamyzdaǵy jaǵdaı boıynsha ataýly áleýmettik kómekpen 1,8 mln. qazaqstandyq qamtylǵan. Járdemaqy alýshylardyń kóbi Túrkistan oblysynda – 498,7 myń adam, Almaty oblysynda – 225,4 myń adam, Shymkent qalasynda – 216,3 myń adam turady. Járdemaqy alýshylardyń 42%-y - qala turǵyndary, 58%-y - aýyl turǵyndary. Aǵymdaǵy jylǵy 1 tamyzǵa AÁK 103 mlrd.teńge somasynda tólendi. Bir otbasyna tólemniń ortasha mólsheri aıyna 86 myń teńgeni qurady.
