Eńbek shartyna qol qoıdy
Sársenbi, 27 naýryz 2013 2:19
О́tken jyldyń aıaǵynda tolyqtyrýlar men ózgerister engizilgen «Memlekettik qyzmet týraly» Zań talaby kesheden bastap kúshine endi. Osyǵan baılanysty endi ár óńirdegi memlekettik qyzmetkerge qoıylatyn talap ta, júkteletin mindet te ózgerdi. О́ńirdegi saıası qyzmetkerler sanatyna 7 laýazymdy tulǵa, ıaǵnı oblys ákimi men onyń 5 orynbasary, Atyraý qalasy ákimi engizildi. Sonymen birge, memlekettik qyzmettegi jańa modýl boıynsha memlekettik qyzmetkerler «A» jáne «B» korpýsyna bólinip otyr. Sonyń ishinde «A» korpýsynyń ózi 1 jáne 2 sanat bolyp eki topqa bólinedi. Máselen, Atyraý oblysynda birinshi sanattaǵy topqa Memlekettik qyzmet isteri jónindegi agenttiginiń oblystaǵy basqarma bastyǵy – tártiptik keńes tóraǵasy, oblys ákimi apparatynyń basshysy jáne 7 aýdan ákimi endi.
Sársenbi, 27 naýryz 2013 2:19
О́tken jyldyń aıaǵynda tolyqtyrýlar men ózgerister engizilgen «Memlekettik qyzmet týraly» Zań talaby kesheden bastap kúshine endi. Osyǵan baılanysty endi ár óńirdegi memlekettik qyzmetkerge qoıylatyn talap ta, júkteletin mindet te ózgerdi. О́ńirdegi saıası qyzmetkerler sanatyna 7 laýazymdy tulǵa, ıaǵnı oblys ákimi men onyń 5 orynbasary, Atyraý qalasy ákimi engizildi. Sonymen birge, memlekettik qyzmettegi jańa modýl boıynsha memlekettik qyzmetkerler «A» jáne «B» korpýsyna bólinip otyr. Sonyń ishinde «A» korpýsynyń ózi 1 jáne 2 sanat bolyp eki topqa bólinedi. Máselen, Atyraý oblysynda birinshi sanattaǵy topqa Memlekettik qyzmet isteri jónindegi agenttiginiń oblystaǵy basqarma bastyǵy – tártiptik keńes tóraǵasy, oblys ákimi apparatynyń basshysy jáne 7 aýdan ákimi endi.
«A» korpýsynyń 2 sanatyna oblystyq tekserý komıssııasynyń tóraǵasy men osy komıssııanyń 4 múshesi, barlyǵy 5 memlekettik qyzmetker engizildi. «A» korpýsynyń laýazymdaryna qabyldaý «A» korpýsy memlekettik ákimshilik qyzmeti kadr rezervine kirgen tulǵalar qatarynan júzege asady. Al «B» korpýsyndaǵy laýazymdarǵa ornalasý úshin konkýrstarǵa tek qana shekti mánnen kem emes testileý nátıjeleri týraly sertıfıkaty bar azamattar qatysady.
Bul másele Memlekettik qyzmet ótkerý tártibi týraly jańa erejege sáıkes retteledi. Laýazymdary «A» korpýsyna ótken memlekettik qyzmetshiler kelesi oqıǵalardyń bireýi bastalǵanǵa deıin jumystaryn jalǵastyrady:
1) Qazaqstan Respýblıkasynyń zańnamasymen bekitilgen tártipte joǵaryda kórsetilgen alty aı ýaqyttyń ishinde osy laýazymǵa ornalasqanǵa deıin (bul mezgil ishinde Ulttyq komıssııa «A» korpýsynyń kadr rezervine irikteý júrgizedi);
2) eger osy laýazym joǵaryda kórsetilgen alty aı ýaqyttyń ishinde toltyrylmasa, osy mezgildiń bitýi boıynsha, ıaǵnı 2013 jyldyń 25 qyrkúıegi.
Osy memlekettik qyzmetshilermen joǵaryda kórsetilgen oqıǵalardyń bastalǵanyna deıin jaramdy eńbek sharty jasalady. Eńbek sharttary laýazymǵa taǵaıyndaýǵa quqyǵy bar tulǵamen (organmen) jasalady. Osylaısha, eńbek sharty mynadaı jaǵdaıda alty aıǵa deıingi merzimde buzylady:
laýazymy «A» korpýsyna ótken memlekettik qyzmetshiniń osy laýazymǵa ornalasýy;
nemese osy laýazymǵa basqa kandıdattyń ornalasýy.
Eger atalǵan oqıǵalardyń bireýi bastalmasa, onda eńbek sharty alty aı merzimniń bitýine baılanysty buzylady.
Irikteý rásimderinen ótken memlekettik qyzmetshilermen («A» korpýsynyń kadr rezervine kirý, kadr rezervinen taǵaıyndalý) 4 jyl merzimge jańa eńbek sharty jasalady.
«A» korpýsy memlekettik ákimshilik qyzmetiniń kadr rezervine kirgizý Kadr saıasaty jónindegi ulttyq komıssııanyń sheshimimen júzege asady. Ulttyq komıssııa aýmaqtyq kadr komıssııalarynyń jumysyn úılestiredi. Ulttyq komıssııanyń sheshimi boıynsha kadr komıssııalary «A» korpýsynyń memlekettik ákimshilik qyzmetshilerimen áńgimelesý júrgizedi. Oblystyq deńgeıde bul komıssııanyń quramynda tóraǵany qosa eseptegende 5 múshe, atap aıtqanda, oblys ákimi, Memlekettik qyzmet ister agenttiginiń Atyraý oblysy boıynsha basqarma bastyǵy – tártiptik keńes tóraǵasy, oblystyq máslıhat hatshysy, oblys ákimi apparatynyń basshysy jáne oblystyq tekserý komıssııasynyń tóraǵasy bar.
Kesheden bastap óńirdegi 7 aýdan ákimi 6 aıǵa eńbek shartyna qol qoıdy. Osy kezeń ishinde aýdan ákimderiniń laýazymyna konkýrs jarııalanady. Aımaqtyq komıssııa músheleri aýdan ákimi laýazymyna úmitkerlerdiń qujatyn muqııat tekseredi. Maqsat – eldik, ulttyq múddeni kózdeıtin, halyq pen bıliktiń arasyn búgingiden de jaqyndata túsýge dáneker bola alatyn otanshyl tulǵany tańdaý.
Muhıt IZBANOV,
Memlekettik qyzmet isteri agenttigi
Atyraý oblysy boıynsha basqarmasynyń
bastyǵy – tártiptik keńes tóraǵasy.
