Prezıdent Qasym-Jomart Toqaev Qazaqstan Respýblıkasynyń Úndistan, Shveısarııa memleketterine jańadan taǵaıyndalǵan Tótenshe jáne ókiletti elshileri Erlan Álimbaev pen Álibek Baqaevty qabyldady.
Memleket basshysy Erlan Álimbaevqa Úndistanmen aradaǵy saýda-ekonomıkalyq, ınvestısııalyq qarym-qatynasty nyǵaıtýdy, sondaı-aq týrıstik baǵyttaǵy baılanysty jandandyrýdy tapsyrdy. Atap aıtqanda, Altyn Ordanyń 750 jyldyǵyna jáne basqa da aıtýly sharalarǵa basymdyq berý kerektigin atap aıtty.
Al Álibek Baqaevqa Shveısarııamen osyǵan deıin qalyptasqan saıası, saýda-ekonomıkalyq qatynasty jańa deńgeıge kóterý tapsyryldy.
