Kezdesý barysynda Memleket basshysy eki eldiń arasyndaǵy qarym-qatynastyń dostyq nıetke quralǵanyn atap ótti.
– Biz sizdiń eldi qurmetteımiz. Búgingi Sıngapýrdyń negizin qalaǵan sizdiń ákeńiz Lı Kýan Iý Qazaqstannyń Tuńǵysh Prezıdenti Nursultan Nazarbaevpen jaqyn dostyq qarym-qatynasta bolǵany, onyń 90-jyldardyń basynda Qazaqstanǵa kelgeni esimizde. Eki el arasyndaǵy tyǵyz yntymaqtastyqqa berik negiz bar dep oılaımyn, – dedi Qasym-Jomart Toqaev.
О́z kezeginde Sıngapýr Premer-Mınıstri de eki el arasyndaǵy ózara qarym-qatynasty odan ári nyǵaıtýǵa nıetti ekenin aıtty.
– Biz Qazaqstanmen aradaǵy yntymaqtastyqty odan ári damytýǵa nıettimiz. О́zińizben Prezıdent retinde birlese jumys isteýge asyqpyn,– dedi Lı Sıan Lýn.
Taraptar eki jaqty saýda-ekonomıkalyq, ınvestısııalyq baılanystardy arttyrýdy, sondaı-aq, «Astana» halyqaralyq qarjy ortalyǵy aıasynda qalyptasyp kele jatqan ózara qarym-qatynastyń kókjıegin keńeıtý jaıyn atap ótti.
Kezdesý sońynda Qasym-Jomart Toqaev Sıngapýr Premer-Mınıstrin elimizge arnaıy saparmen kelýge shaqyrdy.
– Biz sizdi ózińizge yńǵaıly kez kelgen ýaqytta kútemiz. Sizdiń saparyńyz ózara yntymaqtastyqty damytý úshin birqatar naqty máselelerdi talqylaýǵa jaqsy múmkindik beredi,– dedi Qazaqstan Prezıdenti.
