Damýdyń sapaly kezeńi

álemdegi bedeldi ári ornyqty memleketke aınalǵan elimizdiń Táýelsizdigin nyǵaıtyp, halqymyzdyń jaǵ­da­ıyn jaqsartýdyń jańa sapaly kezeńiniń múmkindikteri jáne min­detteri aıqyndalyp otyr. 5 ıns­tı­týsıonaldyq reforma jáne Ult josparyn tolyq júzege asyrý qajettiligin kózdeıtin Joldaý Prezıdenttiń saılaý aldyndaǵy baǵdarlamasynyń negizi boldy.

Saıası júıeniń «Kúshti Prezı­dent – yqpaldy Parlament – esep beretin Úkimet» formýlasy memleket turaqtylyǵynyń ne­gizi bolyp tabylatynyn atap kórset­ken Memleket basshysy azamat­tyq qoǵamdy qoldaý jáne ny­ǵaı­tý qajettiligine toqtaldy. Osy maq­satta qurylǵan Qoǵamdyq senimniń ulttyq keńesi rotasııalyq qaǵı­datpen jumys isteıtin bolady. Partııa qurylysynyń pro­sesin jalǵastyrý jáne elimizdegi kóp­par­tııalyq, saıası básekelestik já­ne pikirler ustanymy saıa­sı júıeniń turaqtylyǵy úshin óte mańyzdy ekendigine ba­sa nazar aýdardy. Aldaǵy Par­lament Májilisi jáne máslıhattar saılaýy elimizdegi kóppartııalyq júıeniń ári qaraı damýyna yqpal etetindigin atap kórsetti. Memlekettik organdar qyzmetindegi basymdyqtar qoǵam­dyq dıalog, ashyqtyq, azamat­tar­dyń muń-muqtajyn jyldam qabyl­daý, turǵyndarmen keri baılanys tıimdiligin arttyrady. Joldaýda damýdyń jańa kezeńindegi áleýmettik saladaǵy basymdyqtar aıqyndalǵan.

Bilim berý sapasyn jaqsartý maq­­satynda oqýshylardyń qabi­letin aıqyndap, kásibı baǵyt-baǵ­dar berý saıasatyn júrgizý de óte ózekti. Joldaýda atap kór­setil­g­endeı, elimizde mamandar daıar­laý­dyń otandyq júıesi naqty eń­bek na­ry­ǵynan tys qalǵan. Onyń dáleli, orta mektepti aıaqtaǵan túlek­ter tehnıkalyq-ká­sip­tik jáne joǵary oqý oryn­daryna qa­byldanbaı qalyp, jumys­syz­dar qataryn kóbeıtýi búgingi kún­niń shyndyǵy. Saldarynan olar­dyń qylmystyq toptarǵa, ekst­remıstik dinı aǵymdardyń yq­pa­lyna túsip ketýi oryn alýda. Sondyqtan da Joldaýda aı­tyl­ǵandaı, orta bilim berýdiń ult­tyq standarty oqýshylarǵa kási­bı baǵdar berý tıimdiligin qamta­masyz etýge baǵyttalýy tıis.

Joldaýda aıtylǵan ózekti máseleniń biri – muǵalimder men oqytýshylardyń áleýmettik jaǵ­daıy. Prezıdent tamyz konferensııasynda aldaǵy 4 jyl ishinde muǵalimderdiń eńbekaqysyn 2 ese­ge arttyrýdy tapsyrǵan bolatyn. Kelesi jyldan bastap ustaz­dardyń jalaqysy 20 paıyzǵa ósetindigi búkil ustazdar qaýymy úshin úlken qoldaý dep sanaımyn. О́z kezeginde pedagogtar bolashaq urpaqtyń tárbıesi men bilim alýy úshin úlken jaýapkershilikpen qyz­met atqarýy tıis.

Reformalaýdyń jańa kezeńi­ne qadam basqan elimiz úshin Joldaý­da aıqyndalǵan mindetterdi sapa­ly oryndaýǵa árbir azamat óz úle­sin qosýy tıis. Prezıdent atap kór­­set­kendeı, osy maqsatta mem­leket­tik organdardyń jumy­sty je­del atqaryp, naqty nátıjege qol jet­kizýi talap etiledi. Tıisti re­­for­­manyń júzege asyrylýy úshin me­­keme basshylaryna derbes jaýap­­­­ker­­shilik júktelip, aı­­maq­tar­d­a­ǵy halyqtyń jaǵ­daıy saýalna­ma negi­zinde naq­ty baǵa­lanýy Jol­daýdyń syn­dar­ly qoǵamdyq dıalog – Qazaq­stan­nyń turaqtylyǵy men ór­­ken­deýiniń negizi bolyp taby­la­­tyn­­dyǵyn dáleldep otyr. Haly­q­ty tolǵan­dyratyn barlyq másele­­ler­diń sheshilýin kózdeıtin jańa Jol­daý el taǵdyryna jany ashıtyn árbir azamatqa zor senim uıalatady.

Janar ORYNBAEVA,

Jambyl polıtehnıkalyq joǵary kolledjiniń

 dırektory, Taraz qalalyq máslıhatynyń depýtaty