Dástúrli medısına ókilderi kópten beri ótkizýdi kóksep júrgen jıynǵa 20 memleketten ǵylymı dárejeleri bar 200-ge tarta delegat qatysyp, 17 baǵytta aýqymdy baıandama jasaldy.
Úndi medısınasyndaǵy «Aıýverda» men «Ioga» seksııasynyń ózi taqyryptarǵa taratylyp, medısınadaǵy bıdiń shıpalyq róli baıandaldy. Sol sııaqty staroverlerdiń medısınasy, fıtoterapııa, manýaldy terapııa, osteopatııa men emdik ýqalaý, apıterapııa, dástúrli qytaı jáne koreı medısınasy, gırýdoterapııa, gomeopatııa syndy 8 seksııa jumys istedi.
– Qazirgi tańda dúnıejúzinde dástúrli medısına men halyqtyń medısınanyń róli men tanymaldaǵy artyp kele jatqandyǵy baıqalady. Álemniń kóptegen elderinde jergilikti turǵyndar úshin halyqtyq medısına medısınalyq-sanıtarlyq kómektiń negizgi jáne qoljetimdi túri bolyp tabylady. Birqatar elderde halyqtyq medısına – dástúrli medısına degen ataýǵa ıe. Al «DSU-nyń 2014-2023 jyldarǵa arnalǵan halyqtyq medısına salasyndaǵy strategııasynda» halyqtyq medısına men dástúrli medısınany jaqyn jyldarda damytýdyń baǵyttary anyqtalǵan. Iаǵnı, Strategııa halyqtyń jáne dástúrli medısınanyń áleýetin paıdalanýda DSU-ǵa múshe memleketterdiń qoldaýy men kúsh salýyn qarastyratyn negizgi maqsattardy aıqyndaıdy. Strategııada ónimderdi, dástúrli medısına mamandarynyń tájirıbesi men qyzmetin baqylaý arqyly halyqtyq jáne dástúrli medısınany qaýipsiz ári tıimdi paıdalanýǵa úlken mán berilgen. Sondaı-aq Strategııada DSU-ǵa múshe memleketter óz elderindegi halyqtyq jáne dástúrli medısınaǵa baılanysty jaǵdaılardy saraptap, elekten ótkizip, odan keıin onyń saıası sharalaryn, tártibi ben jetekshiligin jasap, endirip otyrýǵa tıisti ekendigi atalǵan, – deıdi QR UǴA akademıgi, Densaýlyq saqtaý mınıstrliginiń Dárilik zattardy, medısınalyq buıymdar men medısınalyq tehnıkany saraptaý jónindegi Ulttyq ortalyǵynyń bas klınıkalyq farmakology Raısa Kúzdenbaeva.
О́z kezeginde Halyqaralyq «Jas-Aı» medısına ortalyǵynyń Bas dırektory, medısına ǵylymdarynyń doktory, professor, akademık Jasan Zekeıuly: «Uly dala emi – tarıhy kúrdeli, qatpary tereń, kıeli ǵylym. Neshe shet el ataqty ǵalymdardy moıyndaǵan Uly dala em túrleri tek Shyǵys medısınasynyń ǵana emes, búkil álem medısınasynyń qazynasyna aınalyp otyr. «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» Memleket basshysy Qasym-Jomart Toqaevtyń Qazaqstan halqyna Joldaýynda medısınalyq qyzmet kórsetýdiń sapasy men qoljetimdiligin qamtamasyz etý mindeti qoıylǵan. Osy mańyzdy mindetti oryndaý barysynda «Uly dala» qoldanysyndaǵy em túrlerin ornymen tıimdi paıdalaný joǵaryda Memleket basshysy qoıǵan mindetti tabysty oryndaýǵa, sózsiz, septigin tıgizedi. Osy konferensııa maqsaty – rýhanı qundylyqtardy, etnıkalyq-dástúrli medısına ádisterin jańǵyrtý, Qazaqstan halqynyń ómirin uzartý, sondaı-aq etnıkalyq-dástúrli medısınaǵa qatysy bar ár sala mamandaryn biriktirý», deıdi
Ulttyq konferensııany uıymdastyrýǵa «Komplementarlyq jáne dástúrli halyq medısınasy mamandarynyń qoǵamy» respýblıkalyq qoǵamdyq birlestigi jáne Qazaqstan halqy Assambleıasynyń Hatshylyǵy, Almaty qalasynyń ákimdigi, Qazaq medısınalyq úzdiksiz bilim berý ýnıversıteti, Halyqaralyq «Jas-Aı» medısına ortalyǵy uıytqy boldy.
