Qazaqstan Respýblıkasynyń Ishki ister mınıstrliginiń buıryǵy № 159
Senbi, 4 mamyr 2013 0:55
2013 jylǵy 1 naýryz, Astana qalasy
«Qazaqstan Respýblıkasy ishki ister organdarynyń jol qozǵalysy qaýipsizdigin qamtamasyz etý jónindegi nusqaýlyqty bekitý týraly» Qazaqstan Respýblıkasy Ishki ister mınıstriniń 2011 jylǵy 1 qyrkúıektegi № 455 buıryǵyna ózgerister men tolyqtyrýlar engizý týraly
Qazaqstan Respýblıkasy ishki ister organdary jol polısııasynyń jol qozǵalysyn qadaǵalaý, quqyqtyq tártip pen qoǵamdyq qaýipsizdikti qamtamasyz etý, azamattardyń zańdy quqyǵy men múddelerin qorǵaý, onyń qyzmetinde tártip pen zańdylyqty nyǵaıtý jónindegi qyzmetin jetildirý maqsatynda buıyramyn:
Senbi, 4 mamyr 2013 0:55
2013 jylǵy 1 naýryz, Astana qalasy
«Qazaqstan Respýblıkasy ishki ister organdarynyń jol qozǵalysy qaýipsizdigin qamtamasyz etý jónindegi nusqaýlyqty bekitý týraly» Qazaqstan Respýblıkasy Ishki ister mınıstriniń 2011 jylǵy 1 qyrkúıektegi № 455 buıryǵyna ózgerister men tolyqtyrýlar engizý týraly
Qazaqstan Respýblıkasy ishki ister organdary jol polısııasynyń jol qozǵalysyn qadaǵalaý, quqyqtyq tártip pen qoǵamdyq qaýipsizdikti qamtamasyz etý, azamattardyń zańdy quqyǵy men múddelerin qorǵaý, onyń qyzmetinde tártip pen zańdylyqty nyǵaıtý jónindegi qyzmetin jetildirý maqsatynda buıyramyn:
1. «Qazaqstan Respýblıkasy ishki ister organdarynyń jol qozǵalysy qaýipsizdigin qamtamasyz etý jónindegi nusqaýlyqty bekitý týraly» Qazaqstan Respýblıkasy Ishki ister mınıstriniń 2011 jylǵy 1 qyrkúıektegi № 455 buıryǵyna (Normatıvtik quqyqtyq aktilerdi memlekettik tirkeýdiń tiziliminde 2011 jylǵy 10 qazanda № 7243 bolyp tirkelgen, «Kazahstanskaıa pravda» gazetinde 2011 jylǵy 5 qarashada № 353-354 (26744-26745) bolyp jarııalanǵan) mynadaı ózgerister men tolyqtyrýlar engizilsin:
Kórsetilgen buıryqpen bekitilgen ishki ister organdarynyń jol qozǵalysy qaýipsizdigin qamtamasyz etý jónindegi nusqaýlyqqa:
24-tarmaqtyń birinshi abzasy mynadaı redaksııada jazylsyn:
«24. Jol polısııasynyń stasıonarlyq beketterinde qyzmet ótkerý kezinde (jáne patrýldeý baǵyttaryndaǵy) jol polısııasynyń qyzmetkerlerine júkteledi:»;
40-tarmaqtyń 11) tarmaqshasy jáne nusqaýlyqqa 7-qosymsha alynyp tastalsyn;
64-tarmaq mynadaı redaksııada jazylsyn:
«64. Patrýldeý baǵytynda (beketinde) qyzmet atqarý kezinde jol polısııasynyń ınspektory qozǵalys prosesine yqpal etedi, jol-kólik oqıǵalarynyń negizgi sebepteri bolyp tabylatyn Jol qozǵalysy erejelerin óreskel buzýshylyqtardyń aldyn alady jáne jolyn kesedi, kólik quraldaryn sebepsiz toqtatý men ustaý alynyp tastalady.
Ákimshilik quqyq buzýshylyq týraly hattamany ony tikeleı anyqtaǵan ýákiletti adam mynalardyń bolýynan basqa jaǵdaılarda toltyrylady:
- quqyq qorǵaý organdarynan, sondaı-aq basqa memlekettik organdardan, jergilikti ózin-ózi basqarý organdarynan kelip túsken materıaldar;
- jeke jáne zańdy tulǵalardyń habarlamalary nemese ótinishteri, sondaı-aq buqaralyq aqparat quraldaryndaǵy habarlamalar;
- sertıfıkattalǵan arnaıy baqylaý-ólsheý tehnıkalyq quraldar men aspaptar kórsetkishteri».
2. Ishki ister mınıstrliginiń Jol polısııasy komıteti (B.B. Bısenqulov) osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne onyń resmı jarııalanýyn qamtamasyz etsin.
3. Osy buıryqtyń oryndalýyna baqylaý Qazaqstan Respýblıkasy Ishki ister mınıstriniń orynbasary E.Z. Turǵymbaevqa júktelsin.
4. Osy buıryq alǵash resmı jarııalanǵannan keıin on kúntizbelik kún ótkennen soń qoldanysqa engiziledi.
Mınıstr polısııa general-leıtenanty Q. QASYMOV.
Buıryq Qazaqstan Respýblıkasynyń Ádilet mınıstriliginde 2013 jylǵy 11 naýryzda Normatıvtik quqyqtyq kelisimderdi memlekettik tirkeýdiń tizilimine №8370 bolyp engizildi.
