Oblystyq dene tárbıesi jáne oqý-ádistemelik ortalyǵynyń uıytqy bolýymen ótken dodaǵa 14 komandadan quralǵan 120-dan astam jas balýan qatysty. Buǵanalary áli bekimese de, jeńiske umtylǵan balýandar qazaq kúresine tán ádis-tásilderdi sheberlikpen qoldanyp, jarys kórigin qyzdyra tústi. Balýandar 8 salmaq dárejesi boıynsha beldesti. Eń jeńil salmaq 50 keli bolsa, tıisinshe 90 keliden joǵary salmaqtaǵy alyptardyń aıqasy da tartysqa toly boldy.
–Bizdiń balýandar ózderiniń barlyq kúsh-jigerlerin salyp kúresedi degen úmit bar. Bul jarystan keıin barlyq kolledjder qazaq kúresin qolǵa alyp, úıirmeler ashyp nemese jarys uıymdastyrsa, nur ústine nur. Qazirgi kúni qazaq kúresi álem qyzyǵa qarap otyrǵan ulttyq sportymyzdyń biri, deıdi oblystyq dene tárbıesi jáne oqý-ádistemelik ortalyǵynyń dırektory Aman Ermuqanov.
Jas balýandardyń arasynda erteń eldiń namysyn «Álem barysy» syndy baıraqty básekelerde laıyqty qorǵaı alatyn azamattar jeterlik. Sońǵy jyldary ulttyq ónerge degen qoldaý erekshe, endigi sátte palýandardyń tynbaı eńbektenýi kerek.
Beldesýlerdiń qortyndysyna sáıkes, jalpy 14 komandanyń ishinen Shýchınsk qalasy joǵary pedagogıkalyq kolledjiniń balýandary qolany qanaǵat tutsa, azamattyq qorǵanys joǵary
kópsalaly kolledjdiń balýandary kúmis júlde ıegerleri atandy. Joǵary tehnıkalyq kolledjiniń órenderi jarys jeńimpazdary dep tanylyp, baǵaly syılyqtarǵa ıe boldy.
