Qazaqstan Respýblıkasy О́ńirlik damý mınıstrligi
2013 jylǵy 17 mamyr № 01-04-03/77NQ, Astana qalasy
Qazaqstan Respýblıkasy Kólik jáne kommýnıkasııa mınıstrligi
2013 jylǵy 15 mamyr № 358 Astana qalasy
«Avtomobıl jáne temir jol kóligi salasyndaǵy memlekettik baqylaý, saýda maqsatynda teńizde júzý jáne ishki sý kóligi salasyndaǵy memlekettik qadaǵalaý boıynsha jeke kásipkerlik salasynda táýekel dárejesin baǵalaý ólshemderin jáne tekserý paraqtarynyń nysanyn bekitý týraly» Qazaqstan Respýblıkasy Kólik jáne kommýnıkasııa mınıstriniń 2011 jylǵy 23 maýsymdaǵy № 385 jáne Qazaqstan Respýblıkasy Ekonomıkalyq damý jáne saýda mınıstriniń mindetin atqarýshynyń 2011 jylǵy 29 maýsymdaǵy № 192 birlesken buıryǵyna ózgerister men tolyqtyrýlar engizý týraly
«Qazaqstan Respýblıkasyndaǵy memlekettik baqylaý jáne qadaǵalaý týraly» 2011 jylǵy 6 qańtardaǵy Qazaqstan Respýblıkasy Zańynyń 13-babynyń 4-tarmaǵyn, 15-babynyń 1-tarmaǵyn iske asyrý maqsatynda buıyramyz:
1. «Avtomobıl jáne temir jol kóligi salasyndaǵy memlekettik baqylaý, saýda maqsatynda teńizde júzý jáne ishki sý kóligi salasyndaǵy memlekettik qadaǵalaý boıynsha jeke kásipkerlik salasynda táýekel dárejesin baǵalaý ólshemderin jáne tekserý paraqtarynyń nysanyn bekitý týraly» Qazaqstan Respýblıkasy Kólik jáne kommýnıkasııa mınıstriniń 2011 jylǵy 23 maýsymdaǵy № 385 jáne Qazaqstan Respýblıkasy Ekonomıkalyq damý jáne saýda mınıstriniń mindetin atqarýshynyń 2011 jylǵy 29 maýsymdaǵy № 192 birlesken buıryǵyna (Normatıvtik quqyqtyq aktilerdi memlekettik tirkeý tiziliminde № 7089 nómirmen tirkelgen, «Zań gazeti» gazetiniń 2011 jylǵy 10 tamyzdaǵy № 114 (2104), 2011 jylǵy 11 tamyzdaǵy № 115 (2105) nómirlerinde jarııalanǵan) mynadaı ózgerister men tolyqtyrýlar engizilsin:
kórsetilgen birlesken buıryqpen bekitilgen Avtomobıl jáne temir jol kóligi salasyndaǵy memlekettik baqylaý, saýda maqsatynda teńizde júzý jáne ishki sý kóligi salasyndaǵy memlekettik qadaǵalaý boıynsha jeke kásipkerlik salasynda táýekel dárejesin baǵalaý ólshemderinde:
5-tarmaqtyń 1) tarmaqshasy mynadaı redaksııada jazylsyn:
«1) avtomobıl kóligi salasynda:
joǵary dárejeli táýekelge:
jolaýshylar tasymalyn júzege asyratyn tekseriletin sýbektiler;
qaýipti júkter tasymalyn júzege asyratyn tekseriletin sýbektiler;
mehanıkalyq kólik quraldaryna jáne olardyń tirkemelerine mindetti tehnıkalyq baıqaý júrgizýdi júzege asyratyn tekseriletin sýbektiler jatady;
ortasha dárejeli táýekelge:
iri gabarıtti jáne aýyr salmaqty júkter tasymalyn júzege asyratyn tekseriletin sýbektiler;
avtostansııalar, avtovokzaldarǵa ıelik etetin tekseriletin sýbektiler jatady;
bolmashy dárejeli táýekelge:
ózge de júkter tasymalyn júzege asyratyn tekseriletin sýbektiler jatady;»;
8-tarmaqtyń 2) tarmaqshasy mynadaı redaksııada jazylsyn:
2) temir jol kóligi salasynda:
óreskel buzýshylyqtarǵa mynalar jatady:
poezdar qozǵalysyna baılanysty qyzmetkerlerdi kezeńdik medısınalyq tekserýden ótkizýdiń, sondaı-aq poezdar qozǵalysyna tikeleı baılanysty lokomotıv brıgadalary men qyzmetkerleriniń densaýlyǵyn reıs aldynda baqylaýdyń bolmaýy;
poezdar qozǵalysyna baılanysty qyzmetkerlerdiń qozǵalys qaýipsizdigi máselelerin reglamentteıtin qoldanystaǵy nusqaýlyqtar men erejelerdi jáne laýazymdyq nusqaýlyqtardy bilý mánine kezeńdik tekserý júrgizilmeýi;
defektoskopııa men dıagnostıka júıeleri quraldaryn jaramdy jaǵdaıda ustamaý jáne tıimdi paıdalanbaý;
«Qozǵalys qaýipsizdigi kúni» taqyryby boıynsha apta saıynǵy tekserýler ótkizilmeýi;
anyqtalǵan kemshilikterdi joıý jóninde sharalar qabyldaýmen qaýipsizdikti baqylaý qurylǵylary men aspaptarynyń jaı-kúıin tekserý men paıdalanýdy bekitilgen grafık boıynsha oryndamaý;
júrgiziletin jumys ereksheligine sáıkes tehnıkalyq jaramdy aspaptarmen jáne tehnıkalyq quraldarmen qamtamasyz etpeýi;
temir jol kóliginiń tehnıkalyq quraldaryn paıdalaný kezinde qozǵalys qaýipsizdigin saqtamaý;
jyljymaly quramda jaramdy bastapqy órt sóndirý quralynyń bolmaýy;
temir joldar, temir jol stansııalary, jolaýshy platformalary, sondaı-aq poezdar qozǵalysyna jáne manevr jumystaryna baılanysty temir jol kóliginiń basqa da obektilerinde sıgnaldyq qorshaýlarynyń bolmaýy;
jumys óndirisi oryndaryn sıgnal belgilerimen qorsham
