–Memlekettik baǵdarlama aıasynda bilim alyp, shaǵyn grant utyp aldym. Sol qarjyǵa qajetti qural-jabdyqtarymdy satyp alyp, isimdi bastadym. Keıin qajetti ǵımarat taýyp, bıznes jospar jasap, nesıe aldym. Osylaısha, meniń armanym júzege asty. Aldaǵy maqsatym kásibı sheberligimdi shyńdap, tutynýshylaryma joǵary sapaly qyzmet kórsetý, deıdi jeke kásipker Janargúl Sabyrova.
О́ńirde turǵyn úı qurylysy qarqyn alyp keledi. Buǵan deıin de jyldar boıy qańyrap qalǵan eki turǵyn úı qalpyna keltirilip, turǵyndarǵa tabystalǵan edi. Taıaýda Stepnıak qalasynda kezekti turǵyn úıdiń jóndeý jumystary máresine jetipti. Jańa baspana kilti kópbalaly otbasylarǵa tabystaldy.
–Táýelsizdik jyldary adamdar erteńgi kúnge senimmen qaraı bastady jáne búginderi biz bolashaqtyń jarqyn bolaryna kámil senimdemiz, deıdi Birjan sal aýdanynyń ákimi Ermek Nuǵymanov.
Qazirgi tańda, kilti tabystalǵan turǵyn úıden bólek, 21 páterli jańa turǵyn úı men shynyqtyrý-saýyqtyrý kesheniniń qurylysy júrgizilýde. Keler jyly taǵy eki jańa úıdiń irgetasy qalanbaq.
