Aımaqtar • 10 Jeltoqsan, 2019

Jaqsy aýdanyndaǵy jaqsy ister

13 ret kórsetildi

Taıaýda Jaqsy aýdanynyń birqatar turǵyndary baspanaly boldy. Páter kiltteri halyqtyń áleýmettik turǵydan az qamtylǵan ókilderine tabystaldy.

Aýdandaǵy 27 otbasy qonys toıyn toılady. Olardyń qatarynda jetim balalar, kópbalaly otbasylar, sonymen qatar zeınetkerler men múmkindigi shekteýli azamattar jáne tolyq emes otbasy ókilderi bar.

–Búgin biz «Nurly jer» baǵdarlamasy aıasynda salynǵan áleýmettik az qamtylǵan turǵyndarǵa arnalǵan páterlerdi tabystaýdamyz. Jeke kásipkerlerdiń qoldaýymen Qyzylsaı aýyldyq okrýginde 2 páterli turǵyn úı salynyp, paıdalanýǵa berilip otyr, deıdi aýdan ákimi Baýyrjan Málǵajdarov.

Aq túıeniń qarny jarylǵan bul kúni baspanaly bolǵandardyń arasynda kópten beri turǵyn úı taqsyretin tartyp kelgen analar da az emes. Máselen, úı kezeginde bes jyl turǵan 4 balanyń anasy Aınur Máýlenbekovanyń alǵysynda shek joq.  

–Bul bizdiń kópten kútken qýanyshymyz deýge bolady. 3 bólmeli páterge qol jetkizip otyrmyz. Memlekettiń qamqorlyǵyna myń alǵys, deıdi kópbalaly ana.

Kırovskoe aýylynyń 2 birdeı otbasy da baspanaly boldy. Aýyldaǵy turǵyn úı jergilikti kásipker, mesenat Uzaqbaı Shákeevtiń jeke qarjysyna salyndy.

–Biz osy aýylda eki páterli 11 úı saldyq, bul degenimiz 22 páter. Baspana kiltteri negizinen seriktestiktiń mehanızatorlary men júrgizýshilerine jáne muqtaj jandarǵa tabys etildi. Igi dástúrdi áli de jalǵastyra beremiz. Jyl saıyn birneshe turǵyn úı salamyz dep mejelep otyrmyz, deıdi «Qarajon» seriktestiginiń dırektory Uzaqbaı Shákeev.

Elge qamqor bolǵannyń esesi ketpesi anyq. Ár ujymnyń basshylary óz eldi mekenderin dál osylaı qamqorlyqtaryna alsa, jalpy jurt jaqsylyqqa bólenip qalmas pa?..

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar