Aımaqtar • 10 Jeltoqsan, 2019

Aqmola oblysynda quqyq buzýshylyq kórsetkishi tómendedi

15 ret kórsetildi

Oblystyq quqyqtyq statıstıka jáne arnaıy esepke alý jónindegi basqarmasynyń júrgizgen esebine qaraǵanda ústimizdegi jyldyń 10 aıynda quqyq buzýshylyqtyń sany 6 prosentke tómendegen. Barlyǵy 9 myńǵa jýyq qylmys pen 1500-deı qylmystyq teris qylyqtar tirkelgen.

Bul rette, asa aýyr qylmys 9 prosentke kóbeıse, aýyrlyǵy orta qylmys 12 prosentke tómendegenin aıta ketýge bolady. Tómendeý kórsetkishi Qorǵaljyn, Esil, Ereımentaý, Egindikól aýdandary men Stepnogorsk qalalarynda baıqalyp otyr. Oblystyq quqyqtyq statıstıka jáne arnaıy esepke alý jónindegi basqarma mamandary aýyrlyǵy orta qylmystardyń azaıýynyń basty sebepterin bylaısha túsindiredi.  

–Meniń oıymsha, memlekettik organdarmen júrgizilgen aldyn-alý sharalarynyń nátıjesinde aýyrlyǵy  orta qylmystar sany tómendep otyr. Iri eldi mekenderde baqylaý beınekameralary  ornatylýda. Osylaısha, baqylaýdyń áseri óte kóp. Qazir tonaý faktileri de azaıdy, deıdi oblystyq quqyqtyq statıstıka jáne arnaıy esepke alý jónindegi basqarmasynyń bastyǵy Kúnsaıa Balǵojına.

Oblys ortalyǵyndaǵy burynǵy jyldary qylmys kóp oryn alǵan shaǵyn aýdandardy baqylaý úshin ǵalamtor jelisinde qylmystyq quqyqbuzýyshylyq kartasy ornatylǵan. Osy karta arqyly kez-kelgen adam belgili bir aýdannyń qylmystyq jaǵdaıyn kórip, sol arqyly turǵylyqty mekendi tańdaýyna, balasyn oqytý úshin qaýipsiz aýdandy iriktep alýyna ábden bolady. Sonymen qatar, oblystyq quqyqtyq statıstıka jáne arnaıy esepke alý jónindegi basqarmasynyń ókilderi quqyqtyq buzýshylyq boıynsha ótinish berýshilerge jiberiletin sms-habarlandyrýlar men avtoqońyraýlar qyzmetteriniń iske qosylǵanyn aıtýda.

–Iаǵnı, polısııa qyzmetine ótinish bergen azamattarǵa belgilengen merzim ishinde qaralǵan ótinishteriniń nátıjesi týraly sms-habarlandyrý jiberiledi. Budan bólek, avtoqońyraý da soǵylady. Eger ótinish berýshi shyǵarylǵan sheshimmen kelispegen jaǵdaıda qaıda qońyraý shalý kerektigi aıtylady. Iаǵnı, bizdiń basqarmanyń telefony beriledi. Biz kelip túsken qońyraýlardy eskerip, kezdesip, tekserý jumystaryn júrgizemiz. Osyndaı tekseristerdiń nátıjesinde birneshe qylmystyq quqyqtyq buzýshylyqty esepke aldyq, deıdi oblystyq quqyqtyq statıstıka jáne arnaıy esepke alý jónindegi basqarmasynyń bastyǵy Kúnsaıa Balǵojına.

Qylmysty esepke alatyn mamandardyń aıtýynsha, barlyq qylmystardyń ishinde ózgeniń múlkin tonaý keń taraǵan. Qaskúnemder kóbine qoǵamdyq oryndarda júrip, uıaly telefondardy tonaýdy ádetke aınaldyrǵan.

Sońǵy jańalyqtarǵa oraı ózgeniń múlkine kóz alartatyndar seıilip keledi.

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar