Atalǵan kelisim Ulttyq jedel medısınalyq kómek ortalyǵynyń dırektory Birjan Ospanov pen atyraýlyq erikti Arman Qasymovtyń arasynda júrgizildi. Kelisim boıynsha atyraýlyq eriktilerdiń tájirıbesi 2020 jyldan bastap elimizdiń ózge óńirlerinde júzege aspaq.
- Bul áriptestik aıasynda bizdiń 2008 jyldan beri Atyraý oblystyq jedel járdem stansııasynda atqaryp kele jatqan tájirıbemiz elimizdiń barlyq óńirinde júzege asatyn bolady. Sonymen qatar, oqýshylarǵa alǵashqy kómek berý sharalaryn úıretý úshin mektepterdi de aralaımyz, - deıdi Arman Qasymov.
Aıta keteıik, bıyl Ulttyq volonterler jelisi uıymdastyrǵan «Qazaqstannyń úzdik eriktisi» syılyǵynda atyraýlyq eriktiler «Medısınadaǵy eriktilik» atalymy boıynsha úzdikter qatarynan kórindi.
Atyraý
