Almatydaǵy qalalyq №4 kitaphanada memleket jáne qoǵam qaıratkerleriniń, zııaly qaýym ókilderiniń jáne 1986 jylǵy Jeltoqsan oqıǵasyna qatysýshylarmen birge egemendik jolynda qurban bolǵan Lázzat Asanova men Sábıra Muhamedjanovanyń qurmetine qyzdar arasynda mánerlep oqýdan shyǵarmashylyq kesh ótkizildi.
Is-shara Almaty qalasy ákimdigi men Qoǵamdyq damý basqarmasynyń tapsyrysy boıynsha halyqaralyq «Janashyr» qoǵamdyq qorynyń uıymdastyrýymen «Patrıottyq rýh – basty qundylyq» jobasy aıasynda ótti.
Shyǵarmashylyq kesh mektep oqýshylary men kolledj stýdentteri arasynda qara óleń jarysy negizinde ótkizildi. Baıqaýda jalpy sany jıyrmaǵa jýyq qatysýshy óner kórsetip, biri elimizge belgili aqyn-jazýshylardyń óleńderin mánerlep oqysa, endi biri aqyndyq talanttaryn kórsetti.
Kesh barysynda jeltoqsan oqıǵasyn kózben sýrettegendeı jalyndy, el rýhyn kóterer, Táýelsiz eldiń ótkeni men búginin jyrlaıtyn, otansúıgishtik óleńdermen órbidi. Shyǵarmashylyq kesh barysynda Jeltoqsan qatysýshylary Bolat Qurmanǵajy, Sabıt Raev, Meıirgúl Qazybaeva, Sholpan Nurǵalıeva, Bazargúl Sərsenova, Gúlǵaısha Sərsenova Gúlǵaısha, Ermek Aıtýarov, Ǵanı Qalmaqbaev, Erik Nurǵalıev syndy azamattar qazylyq etti.
Ádilqazy alqalary qatysýshylardyń kásibı sheberligi men oqylǵan óleńniń júrekke jetkizý bilý ónerimen úzdikterdi baǵalady. Baıqaý nátıjesi boıynsha Dılnaz Sembek birinshi oryndy, Gúljanat Seıilova ekinshi oryndy jáne Aısulý Orynbasar úshinshi oryndy ıelendi. Barlyq qatysýshylar alǵys hattarmen, arnaıy syılyqtarmen marapattaldy.
– Jeltoqsan kóterilisi ulttyq rýhtyń ólmestigin jarqyn túrde dáleldedi. Elimiz qalaı bolǵanda da san ǵasyrlyq qıyn-qystaý joldan, tar jol taıǵaq keshýden ótip, táýelsiz elder qaýymdastyǵyna qosyldy. Otanymyz Qazaqstanymyz týraly aıtarymyz da maqtanarymyz da kóp, – deıdi Halyqaralyq «Janashyr» qoǵamdyq qorynyń prezıdenti Jańyl Ápetova.
ALMATY
