Aqparat jáne qoǵamdyq damý mınıstrliginiń qoldaýymen «Azamattyq bastamalardy qoldaý ortalyǵy» kommersııalyq emes aksıonerlik qoǵamynyń granttyq baǵdarlamasy negizinde «Rýhanı jańǵyrý» baǵdarlamasyn ilgeriletý jónindegi ǵylymı-aǵartýshylyq jobany ázirleýge jáne iske asyrýǵa ÚEU, saraptamalyq qaýymdastyqty tartý», «Biryńǵaı ortaq qundylyqtardy qalyptastyrý, sondaı-aq Qazaqstan etnostary arasynda «Rýhanı jańǵyrý» baǵdarlamasyn ilgeriletý» jobasy aıasynda sáýir-qarasha aılary aralyǵynda «Uly dala óneri» atty kórmeler legin uıymdastyrdy.
Jastardy ulttyq qundylyqtarymyzdy baǵalaýǵa, saqtaýǵa, dáripteýge úndeıtin kórmede, ulttyq qolóner buıymdaryn jasaý, beıneleý jáne fotoǵa túsirýdi talap etedi. Osylaısha, jastarǵa ult óneri jaıly oılanýǵa, atsalysýǵa, sol salada izdenýge, eńbektenýge yqpal etetin shara, respýblıkanyń Almaty qalasynda ǵana emes, respýblıkanyń keıbir óńirleriniń jastaryn da qamtydy. Onyń ishinde, mektepterdegi etnos ókilderin de qamtydy.
Ásirese, Almaty qalasyndaǵy №13, №107 jáne №146 mektepteri men Halyqaralyq bıznes jáne kommýnıkasııa, Jańa tehnologııalar, Innovasııa jáne tehnologııa, Polıgrafııa kolledjderi, Almaty oblysy Eńbekshiqazaq aýdanyndaǵy Bertaev, Qoram mektepteri, Kóksý aýdanyndaǵy Muqanshy mektebi, Qyzylorda oblysy Jańaqorǵan aýdanyndaǵy №163 mektep, Túrkistan oblysy, Kentaý qalasy, №12 B.Momyshuly atyndaǵy mektepter qolónerimen erekshelense, Shelek aýyly, H.Bıjanov atyndaǵy orta mektep, Energetıka kolledji tartymdy fotolarymen kózge tústi. Almatydaǵy №153, №156 mektep-gımnazııa, Narhoz kolledji, Almaty obl, Dostyq aýyly, A.Bertaeva atyndaǵy mektepter ulttyq qundylyqtardy beınelegen sýretterimen erekshelendi.
Osylaısha, Halyqaralyq «Janashyr» qorynyń «Uly dala óneri» atty taqyryptyq kórmesi jastardyń otanshyldyq pen eljandylyq qasıetterin oıata túskeni baıqaldy. Sharaǵa qatysýshylar «Rýhanı jańǵyrý» kez kelgen ulttyń, ulystyń rýhanı mádenıetin damytýǵa úles qosatyn baǵdarlama ekenin aıta kele, osyndaı sharalar aýyldy jerlerde jıi ótkizilip tursa degen usynystaryn bildirdi.
ALMATY
