Taraptar kardıologııaǵa zamanaýı tehnologııalardyń engizilýine, bilim men daǵdylardyń keń taralýyna, birlesken ǵylymı zertteýlerdiń oryndalýyna jaǵdaı jasaýǵa, bilim berý baǵdarlamalaryn ázirleý jáne júzege asyrý boıynsha tájirıbemen almasýǵa, uıym qyzmetkerleriniń baıandamalary men ǵylymı maqalalaryn jarııalaı otyryp konferensııalar, semınarlar, sımpozıýmdar, sheberlik klastar, dóńgelek ústelderjáne basqa da is-sharalardy birlesip uıymdastyrýǵa kelisti.
Qazaqstan Respýblıkasynyń DSM Kardıologııa jáne ishki aýrýlar ǴZI Júrek yrǵaǵy jáne ótkizgishtiginiń buzylýy bólimshesiniń basshysy, arıtmolog dáriger, júrek elektrofızıology Roın Rekvava «Pasıenttiń múddesi bárinen de joǵary: qazaqstandyq medısına» paneldi sessııasynda júrek fýnksııasynyń sozylmaly jetkiliksizdigi bar pasıentterdi emdeýge arnalǵan ımplanttalatyn qondyrǵylar týraly aıtyp berdi.
Tájikstan Respýblıkalyq júrek-qantamyr hırýrgııasy ǵylymı ortalyǵynyń bazasynda 20 jeltoqsan kúni Roın Rekvava «Júrek yrǵaǵynyń kúrdeli buzylysyna radıojıilikti ablasııa jasaý» (hırýrgııalyq kesýlersiz júrek arıtmııasyn joǵary tehnologııalyq emdeý)taqyrybynda sheberlik klasyn ótkizedi.
Kardıologııa jáne ishki aýrýlar ǵylymı-zertteý ınstıtýty arıtmologııalyq ıntervensııalyq aralasýlardy jasaý jónindegi jetekshi ortalyqtardyń biri bolyp tabylady. Tek 2019 jyldyń 11 aıynda ınstıtýtta 800-den astam, al 3 jylda – 2500-den astam operasııa jasaldy.
Bul rette, kórshi elderde Medısına kúnderin ótkizý sııaqty sharalardy uıymdastyrý respýblıkalardyń densaýlyq saqtaý uıymdary arasynda eki eldiń halqyna kórsetiletin medısınalyq kómektiń qoljetimdi jáne sapaly bolýy úshin ózara árekettestikti keńeıtýge, tájirıbemen, ınnovasııalarmen jáne tehnologııalarmen almasýǵa múmkindik beretindigin aıta ketken jón.
