Aldymen «ABB ozyq pasıenti» konkýrsy elimizdiń barlyq aımaqtarynda eki aı ishinde aýdandyq, qalalyq jáne oblystyq deńgeılerde ótkizilgendigin eske sala ketý kerek.
Kardıologııa jáne ishki aýrýlar ǴZI Basqarma tóraıymy Roza Qýanyshbekova Qazaqstanda 2013 jyldan beri júzege asyrylyp kele jatqandyǵyn ataı kele: «Densaýlyq saqtaý mınıstrligi ABB engizýde uıymdastyrý-ádistemelik basshylyqty bizdiń ınstıtýtqa júktedi. Baǵdarlamaǵa: arterııalyq gıpertenzııa, sozylmaly júrek jetkiliksizdigi, qant dıabeti, ókpeniń sozylmaly obstrýktıvtik aýrýy kiredi. Ony engizý emhanalarda júkteme men kezektilikti, stasıonarlyq jáne jedel medısınalyq kómekke qajettilikti azaıtýǵa, sondaı-aq ózine ózi kómek berýdi qoldaný jolymen pasıenttiń óziniń densaýlyǵyna degen jaýapkershilikti arttyrýǵa baǵyttalǵan», – deıdi.
Instıtýt basshysynyń aıtýynsha, aımaqtarda ABB júzege asyrý joǵary nátıje kórsetti: ABB engizilgen pasıentterdiń tobynda shuǵyl aýyrǵandar sany azaıdy, barlyq qatysýshylardyń densaýlyq kórsetkishteri jaqsardy. Negizgi artyqshylyǵy: dáriger men pasıent seriktes boldy. «Osyǵan baılanysty, Baǵdarlamany kópshilikke taratý maqsatynda biz konkýrs ótkizýdi sheshtik, búgin biz olardyń ishindegi eń ozyqtaryn marapattadyq, olar – Irına Vorobeva (Batys Qazaqstan oblysy, Oral q. №1 qalalyq emhanasynyń pasıenti) jáne Serik Meńdibaı (Jambyl oblysy,Talas aýdandyq emhanasynyń pasıenti)», – dep atap ótti.
Respýblıkalyq konkýrstyń jeńimpazy Serik Meńdibaı óz densaýlyǵyna degen kózqarasynyń ózgergendigi, ómir súrý saltyn tolyqtaı qaıta qarastyrǵandyǵy, durys tamaqtanýǵa, sportqa kóp kóńil bólgendigi jáne osydan keıin onyń densaýlyǵynyń qalpyna kelgendigi týraly aıtady.
«Oqjetpes» «Almaty» ESK AQ fılıaly dırektorynyń emdeý-saýyqtyrý jumystar jónindegi orynbasary Saltanat Beısembaeva, ońaltý qyzmetin usynatyn uıym retinde Kardıologııa jáne ishki aýrýlar ǴZI uıymdastyrǵan «Aýrýlardy basqarý baǵdarlamasy boıynsha eń jaqsy pasıent» atty alǵashqy Respýblıkalyq baıqaýyn qoldaýǵa sheshim qabyldap, 2 jeńimpazǵa shıpajaıǵa joldama bólgenderin atady.
«Osyndaı ozyq pasıent konkýrsyn ótkizý qajet, óıtkeni pasıentter tártiptilik kórsetip, óz densaýlyǵyna jaýapty bolatyndyǵyn túsinedi, medısına qyzmetkerlerimen seriktes bolyp, bul rette densaýlyqtary jaqsaryp, durys tamaqtanyp, dene qımylymen aınalysa bastaıdy. Alǵashqy kómek kórsetý daǵdylaryn meńgeredi, densaýlyǵy nasharlaǵan kezde ózine ózi qalaı kómek beretindigi men asqynýlardy qalaı boldyrmaý jóninde bilim alady. Oqýǵa, emdelýge degen pozıtıvti oılaý jaqsy nátıjelerge ákeledi», – dep atap ótti.
ABB ozyq pasıentterine sertıfıkattar men Prezıdent Is Basqarmasynyń Medısınalyq ortalyǵynyń «Almaty» shıpajaıyna joldama berildi.
«Aýrýlardy basqarý baǵdarlamasynyń eń ozyq pasıenti» atty birinshi respýblıkalyq konkýrsynyń jeńimpazdaryn quttyqtaý saltanatyna sonymen qatar pasıentterdi emdegen dárigerler men meıirgerler, ABB úılestirýshileri de keldi. Olar Qurmet gramotasymen, Alǵys hatpen jáne «Altyn dáriger» tósbelgisimen marapattaldy.
