Atyraý oblysynyń Jylyoı aýdany aýmaǵyndaǵy «Teńiz» kenishinde eki jumysshynyń 5 metr bıiktiktegi satydan qulaǵany belgili boldy. Bul týraly oblystyq tótenshe jaǵdaı departamentiniń baspasóz qyzmeti habarlady.
Oqys oqıǵa «Teńizshevroıl» birlesken kásipornynyń ıgerýindegi alyp kenishte 27 shildede 11 saǵat shamasynda oryn alǵan. Birlesken kásiporynnyń uzaq jyldardan bergi turaqty merdigerleriniń birinen sanalatyn «Denholm Joldas» JShS-de jumys jasaıtyn eki jumysshy KTL-2 qondyrǵysyndaǵy qurylys satylaryn buzý barysynda 5 metrlik bıikten qulaǵan. Olardyń biriniń jasy 36-da, ekinshisi 47 jasta eken.
Jaraqat alǵan jumysshylar aldymen «Teńizshevroıldyń» emhanasyna, keıinnen tikushaqpen Atyraý qalasyndaǵy oblystyq aýrýhanaǵa jetkizilgen. Qazir jaraqat alǵan jumysshynyń biri jan saqtaý bólimine jatqyzyldy. Al «jabyq bas súıek-mı jaraqaty jáne omyrtqanyń zaqymdanýy» dıagnozy qoıylǵan ekinshi jumysshyǵa neırohırýrgııa bóliminde dárigerlik em-dom kórsetilýde.
Joldasbek Shópeǵul,
«Egemen Qazaqstan».
Atyraý oblysy.
