Prezıdent tapsyrmasy qalaı oryndalýda?
«Áleýmettik jaýapkershilik turǵysynan memleket negizinen óz jolynan ótti, tutastaı alǵanda óziniń osy fýnksııasyn tıimdi oryndady. Endi – kezek bıznestiki».
Nursultan NAZARBAEV,
Qazaqstan Respýblıkasynyń Prezıdenti.
«OTAÝ STROIDYŃ» OIǴA ALǴAN OŃDY ISTERI
Bıznes jáne qaıyrymdylyq. Bul eki sózdiń arasynda qandaı baılanys bar ekeni bárine túsinikti ǵoı deımin. Bıznes jasap, isiń ońǵa basty ma, shamań kelse saýap úshin joq-jitikke kómektes, qaıyrymdylyq jasa. Áıtse de, qaıyrymdylyq jasaý da ońaı tirlik emes. Qazaqta «Qaıyrymdylyqty qara shańyraǵyńnan basta» degen ataly sóz bar. Bul aldymen ózińdi, ózińniń otbasyńdy jarylqa, sosyn baryp ózgege kómektes degen sóz.
Prezıdent tapsyrmasy qalaı oryndalýda?
«Áleýmettik jaýapkershilik turǵysynan memleket negizinen óz jolynan ótti, tutastaı alǵanda óziniń osy fýnksııasyn tıimdi oryndady. Endi – kezek bıznestiki».
Nursultan NAZARBAEV,
Qazaqstan Respýblıkasynyń Prezıdenti.
«OTAÝ STROIDYŃ» OIǴA ALǴAN OŃDY ISTERI
Bıznes jáne qaıyrymdylyq. Bul eki sózdiń arasynda qandaı baılanys bar ekeni bárine túsinikti ǵoı deımin. Bıznes jasap, isiń ońǵa basty ma, shamań kelse saýap úshin joq-jitikke kómektes, qaıyrymdylyq jasa. Áıtse de, qaıyrymdylyq jasaý da ońaı tirlik emes. Qazaqta «Qaıyrymdylyqty qara shańyraǵyńnan basta» degen ataly sóz bar. Bul aldymen ózińdi, ózińniń otbasyńdy jarylqa, sosyn baryp ózgege kómektes degen sóz.
Jyl saıyn osy taqyrypta Astanada úlken jıyn ótedi. Bıylǵy «Qazaqstandaǵy qaıyrymdylyq: Bıznes jáne qaıyrymdylyq» atty IV halyqaralyq konferensııada «Nur Otan» HDP Tóraǵasynyń birinshi orynbasary Baýyrjan Baıbek qaıyrymdylyq isterimen eldiń alǵysyna bólengen kásipker azamattardyń jasaǵan jaqsylyqtaryn aıtyp, mereılerin bir tasytqany bar. Sol jıynnyń sahnasynda eki adamnyń sýreti ilýli turdy. Árıne, ol beınelerdiń jaıdan-jaı ilinbegeni anyq. Bir qyzyǵy, eki azamattyń da júzderi birden kózime jyly ushyrady. Biri – álemdegi eń baı jandardyń biri bolsa da qarapaıymdylyǵymen, qaıyrymdy isterimen tanymal bolǵan áıgili Bıll Geıts bolatyn. Al, ekinshisi – Ońtústikte tý tikken, biraq berekeli tirlikteriniń arqasynda búkil elimizge málim bolǵan «Otaý stroı» qurylys kompanııasynyń dırektory Álimqul Moldaseıitov edi.
Bıll Geıts týraly áńgime bólek. Álem halqy onyń árbir basqan qadamyn, árbir isin, elge jasaǵan jomarttyǵyn jaqsy biledi. Al, Álimqul Moldaseıitov qaıdan júr? Shynyn aıtý kerek, alǵashynda «myna sýrettegi adam dál sonyń ózi me, múmkin qatelesip ilinip ketken shyǵar» degen de oıym bolǵan. Biraq, ǵalamtordy aqtaryp, «Otaý stroı» týraly kóptegen aqparattardy oqyǵannan keıin sýrettegi júzi jyly azamattyń Álimquldyń naq ózi ekenine, sondaı-aq onyń osy jıynnyń tórinde turýǵa naǵyz laıyq kásipker ekenine kózim jetti. Álimquldyń esimin alǵash ret jazýshy Marhabat Baıǵut aǵamyzdyń aýzynan estigenmin. Byltyr qalamger aǵamyzdyń «Joǵalǵan Jurnaq» atty shyǵarmasy oblystyq drama teatrynda qoıyldy. Jeltoqsan oqıǵasynyń adamdardyń júregine salǵan zardabyn óte názik te sheber jetkize bilgen osy qoıylym sońynda sóz alǵan Marhabat aǵa «Jurnaqtyń» sahna tórine shyǵýyna demeýshilik jasaǵan Álimqul Moldaseıitovtiń eńbegin atap kórsetip, alǵysyn bildirgen-di. Sol j
