Qazaqstan Respýblıkasynyń áýe keńistigin buzýshy áýe kemelerine qarý men jaýyngerlik tehnıkany qoldaný qaǵıdalaryn bekitý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasynyń Zańy 28-babynyń 4-tarmaǵyna sáıkes qaýly etemin:
1. Qosa berilip otyrǵan Qazaqstan Respýblıkasynyń áýe keńistigin buzýshy áýe kemelerine qarý men jaýyngerlik tehnıkany qoldaný qaǵıdalary bekitilsin.
2. Osy Jarlyq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Prezıdenti
N.NAZARBAEV.
Astana, Aqorda, 2013 jylǵy 25 shilde. № 604
Qazaqstan Respýblıkasynyń áýe keńistigin buzýshy áýe kemelerine qarý men jaýyngerlik tehnıkany qoldaný qaǵıdalaryn bekitý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasynyń Zańy 28-babynyń 4-tarmaǵyna sáıkes qaýly etemin:
1. Qosa berilip otyrǵan Qazaqstan Respýblıkasynyń áýe keńistigin buzýshy áýe kemelerine qarý men jaýyngerlik tehnıkany qoldaný qaǵıdalary bekitilsin.
2. Osy Jarlyq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Prezıdenti
N.NAZARBAEV.
Astana, Aqorda, 2013 jylǵy 25 shilde. № 604
----------------------------------------
Qazaqstan Respýblıkasy Prezıdentiniń 2013 jylǵy
25 shildedegi № 604 Jarlyǵymen bekitilgen
Qazaqstan Respýblıkasynyń áýe keńistigin buzýshy áýe kemelerine qarý men jaýyngerlik tehnıkany qoldaný qaǵıdalary
1. Osy Qaǵıdalar beıbit ýaqytta Qazaqstan Respýblıkasynyń qaýipsizdigine, onyń aýmaǵyndaǵy adamdardyń ómiri men qaýipsizdigine jáne onyń strategııalyq obektilerine qater tóngen jaǵdaılarda, Qazaqstan Respýblıkasynyń áýe keńistigin buzýshy áýe kemelerine (budan ári – buzýshy áýe kemesi) qarý men jaýyngerlik tehnıkany qoldaný tártibin retteıdi.< /p>
2. Buzýshy áýe kemelerine «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń Zańy (budan ári – Zań) 27-babynyń 1-tarmaǵynda jáne «Qazaqstan Respýblıkasynyń Memlekettik shekarasy týraly» Qazaqstan Respýblıkasynyń Zańy 73-babynyń 1-tarmaǵynda kózdelgen Qazaqstan Respýblıkasynyń áýe keńistigin paıdalaný tártibin buzatyn ushaqtar men tikushaqtar, onyń ishinde qashyqtyqtan (avtomatty túrde) basqarylatyn jáne basqarylmaıtyn ushqyshsyz ushý apparattary (quraldary), zymyrandar, aerostattar, áýe sharlary, zondylar jáne basqa da ushý apparattary jatady.
3. Qarý men jaýyngerlik tehnıkany qoldanýdy Qazaqstan Respýblıkasy Qarýly Kúshteri Áýe qorǵanysy kúshteriniń kezekshi kúshteri men quraldary, al qajet bolǵan kezde Qazaqstan Respýblıkasy Qarýly Kúshteri basqa da túrleriniń kúshteri men quraldary júzege asyrady.
Qazaqstan Respýblıkasy Ulttyq qaýipsizdik komıtetiniń Shekara qyzmeti Qazaqstan Respýblıkasynyń Memlekettik shekarasyn zańsyz kesip ótýdi toqtatý jóninde sharalar qabyldaý úshin Qazaqstan Respýblıkasynyń Memlekettik shekarasyn kúzetý kezinde ózderine qoljetimdi aımaqtaǵy ushqyshsyz ushý apparattaryna nemese qashyqtyqtan (avtomatty túrde) basqarylatyn jáne basqarylmaıtyn ózge de áýe kemelerine, ekıpajsyz jáne jolaýshylarsyz ushý apparattaryna (quraldaryna) qarý men jaýyngerlik tehnıkany qoldanady.
4. Buzýshy áýe kemesin zaqymdaýǵa qarý men jaýyngerlik tehnıkany qoldaný týraly sheshimdi Qazaqstan Respýblıkasynyń Qarýly Kúshterinde Qazaqstan Respýblıkasynyń Qorǵanys mınıstri, Qazaqstan Respýblıkasy Qarýly Kúshteri Bas shtabynyń bastyǵy nemese Qazaqstan Respýblıkasynyń Qorǵanys mınıstri ýákilettik bergen laýazymdy adamdar qabyldaıdy.
Shekara keńistiginde kelisilmegen ushýlardy júzege asyratyn ushqyshsyz ushý apparattaryna nemese qashyqtyqtan (avtomatty túrde) basqarylatyn ekıpajsyz jáne jolaýshylarsyz ózge de ushý quraldaryna qatysty olardy zaqymdaýǵa qarý men jaýyngerlik tehnıkany qoldaný týraly sheshimdi shekara keńistiginde nemese Qazaqstan Respýblıkasynyń aýmaqtyq teńiziniń aımaǵyndaǵy teńiz ýchaskesinde shekara zastavasynyń bastyǵy nemese onyń ornynda ýaqytsha bolatyn adam (bólimshe, beket bastyǵy, áskerı nemese shekara korabliniń (kateriniń) komandıri, ushaq nemese tikushaq komandıri, shekara narıadynyń jetekshisi, zastava saqshysy, shekara zastavasy, komendatýra boıynsha kezekshi) qabyldaıdy jáne ol týraly joǵary turǵan basqarý pýnktine dereý baıandaıdy.
5. Buzýshy áýe kemesi osy Qaǵıdalardyń 2-tarmaǵynda kózdelgen is-áreketterdi jasaǵan kezde áýe keńistigin paıdalaný tártibin buzýdy toqtatý úshin áýe kemelerine tosqaýyl jasaıtyn ekıpajdar zaqymdaýǵa qarý qoldanar aldynda bul týraly belgilengen sıgnaldar berý arqyly buzýshy áýe kemesiniń ekıpajyna eskertedi. Buzýshy áýe kemesi áýe keńistigin paıdalaný tártibin buzýdy toqtatý týraly qoıylǵan talaptarǵa baǵynýdan bas tartqannan keıin eskertý maqsatynda oq atylady.
Eskertý maqsatynda oq atý týraly sheshimdi: Qazaqstan Respýblıkasy Qarýly Kúshteri Bas shtabynyń bastyǵy, Qazaqstan Respýblıkasy Qarýly Kúshteri Bas shtabynyń Ortalyq komandalyq pýnktine dereý baıandaı otyryp Qazaqstan Respýblıkasy Qarýly Kúshteri Áýe qorǵanysy kúshteriniń bas qolbasshysy (Qazaqstan Respýblıkasy Qarýly Kúshteri Áýe qorǵanysy kúshteri bas shtabynyń bastyǵy), Qazaqstan Respýblıkasy Qarýly Kúshteri Áýe qorǵanysy kúshteri bas komandalyq pýnktiniń jedel kezekshisi qabyldaıdy.
Budan ári baǵynbaǵan jaǵdaıda buzýshy áýe kemesine qatysty zaqymdaýǵa qarý men jaýyngerlik tehnıka qoldanylady.
6. Buzýshy áýe kemesinde áýe keńistigin paıdalaný tártibin buzýǵa qatysy joq jolaýshylar men ózge de adamdardyń bolýy týraly naqty aqparat bolǵan kezde, eger osy buzýshy áýe kemesiniń odan ári ushýy Qazaqstan Respýblıkasynyń qaýipsizdigine, onyń aýmaǵyndaǵy adamdardyń ómiri men qaýipsizdigine jáne strategııalyq obektilerine qater tóndirmese, Qazaqstan Respýblıkasynyń Qarýly Kúshteri qarýdy qoldanýdan tartynady.
Buzýshy áýe kemesi áýe qozǵalysyn b
