Keshe Premer-Mınıstr Serik Ahmetov Halyqaralyq kórmeler bıýrosynyń (HKB) Bas hatshysy Vısente Lossertalespen kezdesti. Kezdesý barysynda Astanada EKSPO-2017-ni uıymdastyrý jáne ótkizý, Qazaqstan men HKB-niń ózara is-qımyly máseleleri talqylandy, dep habarlady Premer-Mınıstrdiń baspasóz qyzmeti.
S.Ahmetov atap ótkendeı, EKSPO-2017-ni ótkizýge daıyndyq Memleket basshysynyń aıryqsha baqylaýynda tur.
Memlekettik komıssııa EKSPO-2017-ni uıymdastyrý men ótkizýdiń ulttyq josparyn bekitti, onyń júzege asýy qatań baqylaýda, dedi S.Ahmetov.
Úkimet basshysy Qazaqstannyń EKSPO-2017-ni eń joǵary deńgeıde ótkizýge barlyq kúsh-jigerin salatynyna, onda balamaly jáne jańǵyrmaly energetıka salasyndaǵy eń úzdik «noý-haý», «serpindi» jáne perspektıvaly jobalardyń usynylatynyna sendirdi.
Qazir biz Tirkeý málimetterin oqyp-zertteý jáne tıisti túzetýler engizý jónindegi jumystarǵa tikeleı kiristik. «Mazmuny boıynsha jospar» meılinshe jaqsy ázirlengen, oılastyrylǵan ári syndarly. Onda Qazaqstan Prezıdentiniń «Qazaqstan-2050» Strategııasynda qamtylǵan oı-paıymdary jaqsy kórinis tapqan, dedi V.Lossertales.
HKB basshysy V.Lossertales Qazaqstanǵa jumys saparymen keldi. Onyń barysynda ol Tirkeý málimetterin daıyndaý jáne Astanada EKSPO-2017-ni uıymdastyrý máselelerimen tanysatyn bolady.
