Aqtóbe oblysyndaǵy Qarabutaq aýylynda úılený toıy ótkizilip, 60-tan asa adam sapasyz taǵamnan ýlandy. Bul týraly KTK telearnasy habarlady.
Toı ótkizilgen restoran aýdan ákimi zaıybynyń (demek, ákimniń!) menshigi kórinedi. Sondyqtan jergilikti jerdegi aýdandyq aýrýhana dárigerleri bolǵan oqıǵa jóninde aqparat berýden bas tartqan. Kýágerlerdiń aıtýlary boıynsha, taǵamnan ýlanǵandardyń ishinde búldirshinder de bar eken.
Bul oqıǵa týraly «Jetinshi» telearna da habar berdi. Telearna tilshisine bergen suhbatynda restoran qyzmetkeri Aıman Esimova bylaı dedi: «Jasyratyn nesi bar, toı dastarhanynan dám tatqan meniń otbasym da ýlandy. О́ıtkeni, jurtqa berilgen et taǵamy qaraıyp ketken. Sorpasy da sondaı».
Bizge kelip túsken sońǵy aqparatta sanıtarlyq-epıdemıologııalyq saraptama ortalyǵy mamandarynyń bul oqıǵany endi tekserýge kiriskeni jóninde jazylǵan.
Danııar Túımebaı.
