BTA-banktyń burynǵy basshysy Muhtar Ábilázov Fransııanyń tústigindegi Kanny qalasyna jaqyn mańda qamaýǵa alyndy. Bul týraly Ábilázov otbasylary advokatynyń deregine súıengen brıtanııalyq Financial Times atty iskerler gazeti habarlady.
Qazaqstandyq olıgarhty tutqynǵa alý operasııasyn fransýzdyń arnaıy qyzmet sarbazdary júzege asyrǵan sııaqty. Basylymnyń málimetine qaraǵanda, Ábilázovti óz eline jetkizýdi Reseı bıligi ótingen bolyp shyqty.
Advokattyń aıtýynsha, bankırdiń otbasy músheleri qazir munyń aldynda áıeli men qyzyna jasalǵany sııaqty, onyń da Qazaqstanǵa jóneltilýinen qorqatynǵa uqsaıdy. Qorǵaýshy sonymen qatar ustalǵan kezinde Muhtar Ábilázovtiń janynda Ońtústik Afrıka Respýblıkasynan alynǵan pasport bolǵanyn aıtady.
Ázirge bul oqıǵaǵa baılanysty budan basqa aqparat joq.
Buǵan qosatynymyz, Qazaqstanda Muhtar Ábilázov orasan zor mólsherde aqsha urlady, uıymdasqan top qurdy degen aıyp boıynsha izdestirilip jatqan bolatyn. Oǵan BTA-banktyń 6 mıllard dollarǵa jýyq aqshasyn alyp ketti degen kúdik tańyldy. Oǵan qatysty Reseı quqyq organdary da qylmystyq is qozǵady. Eki jaq ta onyń syrtynan qylmystyq is qozǵady.
Murat Aıtqoja.
