Jaqynda Chehııanyń Pardýbıse qalasynda toǵyzqumalaqtan blıs pen rapıd túri boıynsha eresekter arasynda Eýropa chempıonaty men jasóspirimder arasynda halyqaralyq týrnır ótti.
Jaqynda Chehııanyń Pardýbıse qalasynda toǵyzqumalaqtan blıs pen rapıd túri boıynsha eresekter arasynda Eýropa chempıonaty men jasóspirimder arasynda halyqaralyq týrnır ótti.
Qazirgi kúni bul shahar Eýropadaǵy qazaqtyń ulttyq oıyn túrin nasıhattaý jáne damytý ordasyna aınalyp keledi. Bul elde mundaı sharalardy ótkizý osydan birneshe jyl buryn qolǵa alyna bastaǵan bolatyn. Sonyń nátıjesinde búginde Pardýbısede toǵyzqumalaqtan ótetin jarystar Chehııanyń ǵana emes, Eýropanyń basqa da elderiniń qyzyǵa qatysatyn jarysyna aınalyp otyr. Bıylǵy tól oıynymyzdan jarysqa 30-ǵa jýyq adam qatysty. Eresekter arasyndaǵy Eýropa chempıonatyna 8 sportshy qatysyp, aınalmaly júıe boıynsha jarys ótkizse, rapıd jáne blıs týrnırinde baq synasqan 17 sportshy shveısar júıesi boıynsha 7 týrdan jarys ótkizdi. Al jastar arasyndaǵy týrnırge 7 sportshy qatysyp, 6 týr ótkizdi. Eýropa chempıonatyna Qazaqstan, Chehııa, Reseı, Horvatııa, Shveısarııa jáne AQSh-tyń ókilderi qatysty. Bul básekede cheh Ondre Sah 7 oıynnan 7 upaı jınap Eýropa chempıony atansa, ekinshi oryndy 6 upaımen onyń otandasy Iаkýb Sah pen úshinshi oryndy 5 upaımen Hana Kotınova ıelendi.
Al blıs jáne rapıd túrinen bizdiń A. Baızekenova 7 oıynnan 6,5 upaı jınap chempıon atandy. Ekinshi orynǵa 6 upaı alǵan C. Caparbekova, úshinshi orynǵa 5 upaı jınaǵan Gúljan Maǵaýova turaqtady. Jasóspirimder arasyndaǵy jarysta cheh sportshylary barlyq júldeni aldy.
Chehııada eki kúnge sozylǵan jarys asa qyzyqty jáne tartysty jaǵdaıda ótti. Shara sońynda jarystyń demeýshileri jáne Dúnıejúzilik toǵyzqumalaq federasııasy chempıondar men júldegerlerge arnaıy dıplomdar, medaldar jáne baǵaly syılyqtar tapsyrdy. Osydan keıin Pardýbısede semınar men toǵyzqumalaqty damytý men úıretý jóninde is-sharalar ótkizildi.
Dastan KENJALIN,
«Egemen Qazaqstan».
