Memlekettik shekara shebinde ózindik orny bar bul gazettiń mereıtoıyna arnaıy shaqyrylǵan qonaqtar kóp boldy. Olardyń ishinde belgili memleket qaıratkerleri men ardagerler, qalamy qarymdy jýrnalıster bar. О́ńirlik basqarmanyń klýbynda ótken saltanatty rásimdi «Otan saqshysy – Chasovoı Rodıny» gazeti redaktorynyń mindetin ýaqytsha atqarýshy, podpolkovnık Kenjebek Seıtmuhammedov ashyp, gazettiń ótken tarıhyna keńinen toqtaldy.
Munan keıin sóz tizginin alǵan Jýrnalıster odaǵynyń tóraǵasy S.Mataev, belgili memleket qaıratkeri S.Jıenbaev, UQK Shekara qyzmetiniń ardageri, otstavkadaǵy general-maıor Sh.О́tepov, «Generaldar keńesi» respýblıkalyq qoǵamdyq uıymy tóraǵasynyń birinshi orynbasary general-maıor M.Telegýsov, «Qazaq gazetteri» aksıonerlik qoǵamynyń prezıdenti J.Kenjalın, Almaty qalasy boıynsha UQK departamenti ardagerleri keńesiniń tóraǵasy M.Shabanbaev qalyń jurtshylyqtyń aldynda ózderiniń júrekterinen shyqqan lebizderin bildirdi.
Árıne, atalǵan gazettiń shekarashylar arasynda bedeldi bolýy bul, eń aldymen, áskerı tilshilerdiń zaman talabyna saı jumys isteı biletindiginiń belgisi. Búginde “Otan saqshysy – Chasovoı Rodıny” gazeti naǵyz patrıotızm men eren erlikti ardaqtaý minberine aınaldy. Aldaǵy kezde de osylaı bola bererine senimimiz kámil.
Tamara DÁÝLETBAEVA,
podpolkovnık.
