Aqparat aıdynyndaǵy aıqyndylyq

Aımaq basshysy Samat Eskendirov tóraǵalyq etetin BAQ máseleleri jónindegi qoǵamdyq keńes Memlekettik hatshy Marat Tájınniń jetekshiligimen ótken memlekettik aqparattyq saıasattyń ózekti máselelerine arnalǵan keńesten keıin qurylǵan bolatyn. Sodan bergi ýaqyt ishinde jergilikti baspasóz aqparat quraldarynyń bılikpen aqparattyq yqpaldastyǵyn arttyrý, medıa keńistikti jańǵyrtý, álemde qalyptasqan kúrdeli jaǵdaılardy, elimizdegi saıası-áleýmettik ózgeristerdi jurtshylyqqa jetkizý sekildi irgeli mindetterge oraı birqatar sharalar atqaryldy.

Aımaq basshysy Samat Eskendirov tóraǵalyq etetin BAQ máseleleri jónindegi qoǵamdyq keńes Memlekettik hatshy Marat Tájınniń jetekshiligimen ótken memlekettik aqparattyq saıasattyń ózekti máselelerine arnalǵan keńesten keıin qurylǵan bolatyn. Sodan bergi ýaqyt ishinde jergilikti baspasóz aqparat quraldarynyń bılikpen aqparattyq yqpaldastyǵyn arttyrý, medıa keńistikti jańǵyrtý, álemde qalyptasqan kúrdeli jaǵdaılardy, elimizdegi saıası-áleýmettik ózgeristerdi jurtshylyqqa jetkizý sekildi irgeli mindetterge oraı birqatar sharalar atqaryldy.

Qoǵamdyq keńestiń kezekti otyrysynyń kún tártibine birneshe ózekti máseleler shy­ǵarylyp, jan-jaqty tal­qy­landy. Oblys ákimi kiris­pe sózinde Elbasynyń «Qazaq­stan-2050» Strategııasy BAQ ókilderi aldyna da úlken bel­sen­dilik talaptaryn qoıyp otyr­ǵanyn, ol úshin barlyq múmkindik týǵyzylǵanyn, saraptamalyq taldaýlardy, jýrnalıstik zertteýlerdi jańasha oılaý turǵysynan ári jaǵdaımen naqty baılanystyrýdyń ózektiligin atap kórsetti.

Ishki saıasat basqarmasynyń basshysy Salaýat Muqsymov keńestiń ótken otyrysynda qabyldanǵan sheshimderdiń 8-i oryndalǵanyn, qalǵandary baqylaýda turǵanyn, uıymdarda BAQ máselelerine jaýapty adamdardyń bekitilgenin, aqparat alý úrdisiniń ońaılaǵanyn, mekeme jetekshilerimen kezdesý­lerdiń ótkizilýi júıeli sıpat al­ǵanyn jetkizdi. Oblysta bú­ginde 200-ge jýyq qalam ıeleri Qazaqstan jýrnalıster odaǵyna múshe. Jergilikti fılıal tóraǵasy Erlan Toqshylyq óz sózin bilikti jýrnalıst mamandaryn daıarlaý turǵysynan órbitip, jınalǵandar naza­ryn áli de tájirıbeli kadrlar­dyń jetkiliksizdigine, ta­qy­ryptardyń tarlyǵyna, obek­tıvti syn-pikirlerge qurylǵan materıaldar jazýdyń ornyna qyzyl sózdi, arzan oıdy qýa­lap ketetinine, munyń ózi oqyrmandar men kórermenderdi jalyqtyryp jiberetinine nazar aýdardy. Ákim oǵan jýrnalıster biliktiligine qatysty syn men ózara syndy shyǵarmashylyq ortalarda da óristetýdi eskertip, uıym jumysyn jandandyrý jóninde naqty tapsyrma júktedi.

«Ádil-Arqa» óńirlik BAQ-ty qoldaý jónindegi qoǵamdyq qordyń tóraıymy Záýre Juma­lıevanyń salmaqty usynystary memlekettik organdar men jýrnalıster arasynda iskerlik qarym-qatynas ornatý máselelerine baǵyttaldy. Ol ishki saıasat basqarmasynyń áleýmettik tapsyrysy aıasynda arnaıy jobalar qolǵa alynyp, semınarlar, dóńgelek ústelder, leksııa­lar, únqatysýlar ótkizilgenin aıta kelip, departamentter men basqarmalarda BAQ jumystaryn úılestirip otyratyn ókilderdiń taǵaıyndalýyn oń tájirıbe retinde baǵalady. Oblys áki­mi apparatynyń basshysy Vla­dımır Dýdov memlekettik or­gandardyń qoǵammen jáne BAQ-pen baılanysyndaǵy ın­ternettiń, áleýmettik jeli­ler­diń áleýeti týraly baıandady. Ákimdiktiń web-saıty qaı­tadan jańartylyp, vırtýaldy qoǵamdyq qabyldaýǵa 300-ge jýyq ótinish túsipti. Olarǵa tú­gelge jýyq jaýap berilipti.

Samat Saparbekuly qo­ǵam­dyq keńes otyrysynda mem­le­kettik organdar jumy­sy­nyń ashyqtyǵy men qol­je­tim­diligin qamtamasyz etý, olar­dyń qyzmeti jurtshy­lyq­tyń ál-aýqatyn, turmysyn jaq­sar­­týǵa baǵyttalýy qajettigin, BAQ-tyń memlekettik aqparat saıa­satyndaǵy jetekshi ornyn arttyrý múmkindikterin atap kórsetti.

О́mir ESQALI,

«Egemen Qazaqstan».

Soltústik Qazaqstan oblysy.