ÚIID memlekettik baǵdarlamasyn iske asyrý boıynsha oblystyq úılestirý keńesiniń kezekti otyrysynda «Grand Qurylys» kompanııasynyń Balqash kóliniń jaǵalaýynda demalý-saýyǵý ortalyǵyn salý jónindegi jobasy qaraldy. Ol Prıozersk qalasy aýmaǵynda týrızmdi damytýǵa arnalǵan. Kóldiń osy shaǵyn shaharǵa shektes tabıǵaty kórikti tusynda árqaısysy «lıýks» klasty 2 nómirden turatyn 4 kottedj, ekonom-klasty 20 bólme, kafe-meıramhana, jeńil serýendik qaıyqtar beketi, avtoturaq, akvopark, eresekter men balalar úshin basseın salynady.
...DEMALYS ORTALYǴY SALYNADY
ÚIID memlekettik baǵdarlamasyn iske asyrý boıynsha oblystyq úılestirý keńesiniń kezekti otyrysynda «Grand Qurylys» kompanııasynyń Balqash kóliniń jaǵalaýynda demalý-saýyǵý ortalyǵyn salý jónindegi jobasy qaraldy. Ol Prıozersk qalasy aýmaǵynda týrızmdi damytýǵa arnalǵan. Kóldiń osy shaǵyn shaharǵa shektes tabıǵaty kórikti tusynda árqaısysy «lıýks» klasty 2 nómirden turatyn 4 kottedj, ekonom-klasty 20 bólme, kafe-meıramhana, jeńil serýendik qaıyqtar beketi, avtoturaq, akvopark, eresekter men balalar úshin basseın salynady. Sondaı-aq, balyq aýlaýǵa qumarlarǵa qajetti jaǵdaı jasalady. Demalys aımaǵynyń aınalasy jasyl jelekke bólenip, aıdyn jıeginiń qumy árdaıym taza bolady.
Kompanııa bul qurylysty halyqaralyq talap-talǵamdarǵa saı salyp, týrızm beınesinde básekelese alatyn demalys ornyna aınaldyrýdy kózdeıdi.
Aıqyn NESIPBAI,
«Egemen Qazaqstan».
Qaraǵandy oblysy.
...JUMYS ORNYNA 800 ADAM ORNALASTY
Qalalyq mádenıet úıinde uıymdastyrylǵan kezekti eńbek jármeńkesine kelýshiler qatary ádettegideı mol boldy. Oǵan qatysqan 20 kásiporyn 50-ge jýyq mamandyq túrlerine tapsyrys berdi. Petropavl qalalyq eńbekpen qamtý jáne áleýmettik baǵdarlamalar bóliminiń bas mamany Krıstına Kozaktyń aıtýynsha, túrli salalar boıynsha 816 jumys ornyna qajettilik baıqalǵan. Áskerı kıimder tigýmen shuǵyldanatyn tigin fabrıkasynyń fılıaly tigýshiler men pishýshilerge zárý kórinedi.
Qorǵanys isteri jónindegi departament ókilderi kelisim-shart arqyly qyzmet etkisi keletin áskerı qyzmetkerlerge suranys jasaı kelipti. Mamandyǵy boıynsha elektr jabdyqtaýshy bolyp tabylatyn Marına Kornıenkonyń eńbek jármeńkesine birinshi ret kelgennen joly ońǵaryldy. Laıyq qyzmet tapty. Sóıtip, jumys izdeı kelgen 250 adamnyń 90-y áńgimelesýge shaqyryldy, 7-eýi qoǵamdyq jumystarǵa tartyldy, 11-i kásibı sheberlikterin arttyrýǵa, 35-i jastar tájirıbesine jiberildi. Al jyl basynan beri 800 adam jumyspen qamtyldy.
О́mir ESQALI,
«Egemen Qazaqstan».
PETROPAVL.
