Keshe Qazaqstan Prezıdenti Nursultan Nazarbaev Reseı Federasııasynyń Prezıdenti Vladımır Pýtınmen telefon arqyly sóılesti, dep habarlady Prezıdenttiń baspasóz qyzmeti.
Áńgimelesý kezinde memleket basshylary ekijaqty yntymaqtastyqtyń ózekti máselelerin, sondaı-aq, ıntegrasııalyq úderisterdi damytý salasyndaǵy ýaǵdalastyqtardyń iske asyrylý barysyn talqylady.
Nursultan Nazarbaev pen Vladımır Pýtın Sankt-Peterbýrg qalasynda ótedi dep josparlanyp otyrǵan G-20 sammıti baǵdarlamasynyń negizgi aspektileri týraly da sóz qozǵady.
Buǵan qosa, eki memlekettiń kóshbasshylary óńiraralyq yntymaqtastyq perspektıvalaryn, sonyń ishinde bıyl Bishkekte ótedi dep kútilip otyrǵan Shanhaı yntymaqtastyq uıymy sammıtiniń kún tártibindegi negizgi máselelerdi talqylady.
Sońynda taraptar ekijaqty jáne óńirlik deńgeıdegi ózara is-qımyldy nyǵaıtý jónindegi jumystardy jalǵastyrý qajettigine toqtaldy.
