Shymkentte óz ájesi men eki ápkesin aıýandyqpen óltirgen jas jigitke qatysty sot úkimi shyqty. Endi qandyqol qylmysker 23 jyl ómirin qatań rejımdegi qapastyń arǵy jaǵynda ótkizetin bolady. Bul týraly otyrar.kz habarlaıdy.
«Úlken apasy, ıaǵnı ákesiniń anasy men eki ápkesin pyshaqtap óltirgeni úshin 28 jastaǵy jigit tıisti jazasyn aldy. Qazaqstan Respýblıkasy qylmystyq kodeksiniń 96 jáne 175-baptaryna sáıkes aıyptalýshy 23 jylǵa bas bostandyǵynan aırylý jazasyna kesildi. Sottalýshy jazasyn qatań rejımdegi túrmede óteıtin bolady» deıdi aýdanaralyq mamandandyrylǵan qylmystyq ister jónindegi sottyń tóraǵasy mindetin atqarýshy Ábınur Qarabaev.
Aıta ketý kerek, prokýror aıyptalýshyǵa ómir boıy abaqtyǵa qamaý jazasyn berýdi suraǵan bolatyn.
Eske sala keteıik, ústimizdegi jyldyń sáýir aıynda jas jigit óziniń ájesi men eki ápkesin pyshaqtap óltirgen bolatyn. Krımınalıster marqumdardyń denesinen 50-den astam pyshaq jaraqatynyń ornyn tapqan.
Murat Aıtqoja.
