Qoǵam • 16 Qańtar, 2020

Múgedekterge qoldaý kórsetedi

18 ret kórsetildi

«Samuryq-Qazyna» UÁQ» AQ men Qazaqstannyń Tuńǵysh Prezıdenti – Elbasy N.Nazarbaev Qory arasynda memo­randýmǵa qol qoıyldy. Osy qujattyń negizinde sal aýrýyna shaldyqqan balalarǵa arnalǵan 8 ońaltý ortalyǵy men 16 qosymsha ınklıýzıvti qoldaý kabınetin ashý kózdelgen.

«Samuryq-Qazyna» UÁK» AQ Basqarma tóraǵasy Ah­met­­jan Esimovtiń aıtýynsha, qor soń­­ǵy jyldary Qazaq­stan­da­ǵy qaıy­rymdylyq baǵdar­lama­larynyń eń iri donoryna aınal­dy. Atap aıtqanda, onyń qaıy­rym­dylyq maqsatqa bólgen qara­jatynyń kólemi sońǵy 5 jylda 60 mıllıard teńgeden asyp, uzyn sany 1 mıllıonnan astam adamdy qamtydy.

– Memorandým aıasynda bir­qatar áleýmettik jobalardy jú­zege asyrý josparlanýda. Tuń­­ǵysh Prezıdent – Elbasynyń bas­tamasy «Qamqorlyq» baǵdar­lamasy iske qosylady. Osyndaı baǵdarlamalardy júzege asyrý arqyly «Samuryq-Qazyna» qory aýyr jaǵdaıǵa tap bolǵan adamdardyń máselelerin sheshýge eleýli úlesin qosatynyna senimdimin, – dedi A.Esimov.

Ulttyq ál-aýqat qorynyń basshysy «Qamqorlyq» baǵdarlamasy bıznestiń, memlekettiń jáne úki­met­tik emes uıymdardyń úsh­jaq­ty yntymaqtastyǵynyń jar­qyn úlgisi ekenin aıtty. Bul baǵ­dar­lama sal aýrýyna dýshar bolǵan balalardy ońaltý, ınklıý­zıvti qoldaý kabınetteri men materıaldyq-tehnıkalyq jab­dyqtaý baǵyttary boıynsha áleýmettik máselelerdi sheshýdi qarastyrady.

Tuńǵysh Prezıdent Qory 171 ma­mandy oqytyp, atalǵan orta­lyq­tardy ashý úshin 49 arnaıy m­aman­nyń biliktiligin arttyrmaq. Jer­­gilikti atqarýshy organdar tıis­ti úı-jaı daıyndaıdy. Jańa ońal­tý ortalyqtary men ınklıý­zıv­­ti qoldaý kabınetteri aýrýhana­lar, em­hanalar jáne jalpy bilim be­re­­tin mektepter bazasynda ashylady.

– Bizdiń jumys tobymyz bar­lyq aımaqty aralap, ońaltý ort­a­lyqtary men ınklıýzıvti kabı­netter ornalasatyn eldi me­kenderdi anyqtady. Olar 8 oblysta jumys istep turǵan aýrýhanalar, emhanalar jáne jalpy bilim beretin mektepter bazasynda ashylady. Alǵashqy kezeńge qajetti mamandar, jabdyqtar tizi­mi anyqtaldy. Mamandardy daıar­­­laý jáne qaıta daıarlaý baǵ­dar­­­la­malary ázirlendi. Elbasy aldymyzǵa osy jyly ońal­­­tý or­talyqtaryn ashý minde­tin qoı­dy. Árıne bul úlken ju­mys, – dedi Qazaqstannyń Tuń­­ǵysh Pre­zıdenti – Elbasy Qory­­nyń at­qarýshy dırektory Á.Isekeshev.

Á.Isekeshev bul iste qoldaý bildirgen «Samuryq-Qazyna» kompanııasyna alǵysyn bildirip, erekshe qajettilikteri bar balalar aldaǵy ýaqytta da nazardan tys qalmaıtynyn aıtty.

Sońǵy jańalyqtar

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar