Fransııada búgin bastalǵan sot prosesi BTA-banktyń burynǵy basshysy Muhtar Ábilázovtiń ekstradısııa jasalý yqtımaldyǵy týraly máseleni 2014 jyldyń kókteminen buryn sheshe almaıtyn sııaqty. Bul týraly fransýzdyń
Le Figaro basylymy habarlady.
«Biz qazir ózimizge barlyq kerekti qujattardy joldaýyna 40 kún merzimi bar Ýkraınanyń suranysyn qarap jatyrmyz. Prosedýranyń óte uzaq júretindigine baılanysty, biz ony 2014 jyldyń kókteminen erte sheshe almaımyz», - dep málimdedi Eks-an-Provans qalasy soty bas prokýrorynyń kómekshisi Solanj Legra basylymǵa.
Eske túsire keteıik, buryn habarlanǵanyndaı, Ýkraına osy kezge deıin Fransııaǵa burynǵy bankırdi ózderine berý týraly suranysty joldap úlgergen eken. Ýkraına quqyq qorǵaýshylary Muhtar Ábilázovke eldiń Qylmystyq kodeksiniń «Iri kólemdegi alaıaqtyq» jáne «Múlikti talan-tarajǵa salý nemese qyzmettik jaǵdaıdy paıdalaný jolymen ıemdenip ketý» dep atalatyn baptary boıynsha aıyp taǵyp otyr. Osynyń qarsańynda Fransııa soty eks-bankırdi bolýy yqtımal ekstradısııaǵa deıin óz qulpy astynda ustaı turýǵa sheshim qabyldady. Habarlanǵandaı, Ábilázov bul sheshim shyqqanǵa deıin sotqa óziniń bostandyqta qala berýin qamtamasyz etýge jetkilikti kepildik usyna almaǵan bolyp shyqty.
Budan buryn Ábilázovter otbasysynyń fransýz advokaty óz klıentin ekstradısııa jasaý jónindegi suranystyń tap osy Ýkraınadan túskenin jetkizgen edi. Sebebi, ol Qazaqstanmen dostas el bolyp tabylady. Buǵan qosa, Fransııa men Qazaqstannyń arasynda qylmyskerlerdi tapsyrý jónindegi kelisim joq. Sondyqtan bul mindetti ýkraın jaǵynyń atqaryp otyrǵan jaıy bar.
Taǵy bir eske salyp ótetin jaıt, Muhtar Ábilázov 31 shilde kúni Fransııanyń ońtústigindegi Kanny qalasyna jaqyn jerde qamaýǵa alynǵan bolatyn.
Qurysh Nurymbet.
