1 aqpanda QHL chempıonaty aıasynda «Barys» hokkeı klýby reseılik «Avangard» hokkeı klýbymen kezdesedi. Match 17:00-de ádettegideı «Barys Arena» sport kesheninde ótetin bolady.
Qallekı teatry 1 aqpan saǵat 19.00-de kórermen nazaryna «Abaı» tragedııasyn usynady. Uly oıshyl, aqyn, aǵartýshy týraly kóp jazylǵan. Onyń shyǵarmashylyq murasy búkil adamzattyń ıgiligi boldy jáne álemdik mádenıet qazynasynda laıyqty oryn alady.
Al 2 aqpan kúni saǵat 19: 00-de osy teatrda «Jut» dramasynyń kórsetilimi ótedi. Kórermender qazaq halqy úshin aýyr bolǵan ótken ǵasyrdyń 30-shy jyldaryndaǵy asharshylyq ýaqytyn elestete alady.
Sondaı-aq senbi-jeksenbi kúnderi saǵat 18:30-da «Nomad» teatry kórermenderdi «Qyz Jibek» spektakliniń tusaýkeserine shaqyrady. Shyǵarma mahabbatqa, dostyqqa, batyldyqqa jáne otansúıgishtikke adaldyqty jyrlaıdy.
«Astana Opera» teatrynyń ártisteri jas kórermenderge «Pera Gıýnt saıahaty» konsertin daıyndady. Teatr 2 aqpan kúni saǵat 12: 00-de balalardy tamasha kompozıtordyń sıqyrly mýzykasyn tamashalaýǵa shaqyrady.
Sondaı-aq elordanyń kishkentaı kórermenderi 1-2 aqpan kúni saǵat 12:00, 14:00 jáne 16:00-de Qýyrshaq teatrynda «Jańǵyryq qalaı paıda boldy» atty japon halyq ertegisin kóre alady.
Odan bólek jeksenbi kúni saǵat 17.00-de «Astana Opera» teatrynyń ujymy kórermenderdi Djýzeppe Verdıdiń «Aıda» operasyna shaqyrady.
«Jastar» teatrynda 2 aqpan kúni saǵat 19: 00-de «Ýkroshenıe stroptıvoı» komedııasy qoıylady. Bir kún buryn, sol teatrda «Alǵashqy mahabbat» komedııasy kórsetiledi.
1-2 aqpanda M. Gorkıı atyndaǵy orys drama teatrynda «Chelovek-podýshka» atty qoıylym kórermenderge jol tartady. Onyń bastalýy saǵat 18:00-de.
Odan bólek, «Qysqy kezdesýler» qaıyrymdylyq konserti 1 aqpan kúni saǵat 16:00-de Dostyq úıinde ótedi.
