«Elimizdiń tranzıttik-kólik áleýetin damytý máseleleri – Úkimet jumysynyń asa mańyzdy baǵyty. Kólik salasy Qazaqstannyń ekonomıkalyq ósiminiń draıverleriniń biri jáne damýdyń úlken áleketine ıe. Osyǵan baılanysty Kólik jónindegi keńesti qurý týraly sheshim qabyldandy», — dedi A. Mamın.
Úkimet basshysy kólik sektory Qazaqstannyń IJО́ 8,2% quraıtynyn atap ótti. 2019 jyldyń qorytyndysy boıynsha sala ósiminiń qarqyny 5,1% qurady, al jumyspen qamtylǵan qyzmetkerler sany 640 myń adamnan asady.
Kólik jónindegi keńes Qazaqstannyń kólik salasyn jáne tranzıttik áleýetin damytýdyń ózekti máselelerin, óńirlik kólik-logıstıkalyq habty qurý, turǵyndardyń mobıldiligin arttyrý, el aýmaǵy boıynsha júkterdiń jetkizilý merzimin qysqartý t. b. mindetterdi qarastyrady.
Keńes quramyna memlekettik organdardyń jáne kólik salasyndaǵy iri kompanııalardyń basshylary kirdi.
