Úılestirý keńesiniń jańa músheleri Qazaqstan Respýblıkasy Eńbek jáne halyqty áleýmettik qorǵaý mınıstrliginiń saıtynda onlaın daýys berý arqyly tańdalady.
Úılestirý keńesi 2014 jyly qurylyp, quramy 6 jyl boıy jańartylmaǵan.
Búgingi kúni Úılestirý keńesine 26 adam kiredi. Olardyń arasynda sańyraýlar, zaǵıptar, sal aýrýyna shaldyqqan azamattar, jastar múgedekter qoǵamynyń, múgedek áıelderdiń, joǵary bilimdi múgedekter birlestikteriniń ókilderi bar.
Úılestirý keńesin jańartý birneshe kezeńde júzege asyrylady. Birinshi kezekte múmkindikteri shekteýli belsendi azamattardyń barynsha qatysýymen óńirlik keńester qurylatyn bolady. Árbir oblysta quramyna keminde 20 adam kiredi. О́ńirlik úılestirý keńesterinen respýblıkalyq keńestiń quramyna 1 ókilden tańdap alynady.
Múmkindigi shekteýli adamdardyń qatarynan Úılestirý keńesi múshelerine qosymsha tańdap alýdyń jańalyǵy onlaın daýys berý arqyly bolady. Eńbek jáne halyqty áleýmettik qorǵaý mınıstrliginiń resmı saıtynda aqpan aıynyń sońynda áleýetti úmitkerlerden ótinimder qabyldaý bastalady. Jeńimpazdar anyqtalǵannan keıin Úkimet qaýlysyna ózgerister engiziledi.
Aıta keteıik, Úılestirý keńesiniń músheleri ortalyq jáne jergilikti atqarýshy organdardyń, uıymdardyń, qoǵamdyq birlestikterdiń múgedekterdiń quqyqtaryn júzege asyrý, olardyń tirshilik áreketi men qoǵamǵa kirigýi úshin teń múmkindikter jasaý máseleleri boıynsha qyzmetterin úılestirý boıynsha usynystar ázirleıdi. Respýblıkalyq Úılestirý keńesiniń otyrysy jylyna 2 ret ótedi. Onda óte mańyzdy máseleler kóteriledi. Sońǵy otyrysta aıtylǵan usynystar Qazaqstan Respýblıkasynda múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq josparǵa 2025 jylǵa deıin engizildi.
