«Rýhanı-jańǵyrý» baǵdarlamasy aıasynda elimizde ulttyq sport túrlerin damytý arqyly salaýatty ómir saltyn qalyptastyrý, jastardy ulttyq sport túrlerimen shuǵyldanýǵa tartý, qazaq kúresiniń aıasyn keńeıtý maqsatyndaǵy chempıonatqa barlyǵy 11 komanda, 90-ǵa jýyq qyzmetkerler qatysty. Chempıonat 6 túrli salmaq dárejesinde «Dınamo» sport kesheninde ótkizildi. Chempıonattyń ashylýyna Mańǵystaý oblysy PD-niń basshylary, IIO-nyń ardagerler tóraǵasy jáne Aýǵan soǵysynyń ardaǵerleri qatysyp, Qazaqstan Respýblıkasynyń Gımni shyrqaldy. Chempıonatta Mańǵystaý oblysy «Qazaqsha kúres» federasııasynyń aǵa jattyqtyrýshysy Qaırat Býrbasov tóreshilik etti.
Sonymen qatar 90 keliden joǵary salmaq dárejesinde «Túıe palýan» nomınasııasynada beldesýler ótkizildi.
Týrnır Mańǵystaý oblysy PD-niń «Feısbýk» jáne «Instagramm» áleýmettik jelileriniń tikeleı efırinen kórsetilip, kórermender jeli arqyly jankúıerlik etti.
PD bastyǵynyń orynbasary polısııa podpolkovnıgi Qalıev Altynbek júldeli oryn alǵan komandalar men qyzmetkerlerdi medaldarmen, gramotalarmen jáne baǵaly syılyqtarmen marapattady, sondaı-aq sáýir aıynda Petropavl qalasynda qazaqsha kúresten ótetin IIM-niń chempıonatynda jeńis bıiginne kórinýge tilek bildirdi.
