- Úlkenim 19 jasta, kenjem - Tomırıs bir jarym jasqa keldi. Segiz jyl boıyna baspana kezeginde turyp, jataqhananyń tar bólmesinde qınalyp kelip edik. О́tken jyly memlekettik baǵdarlama arqyly baspanaǵa da qol jetkizdik. Endi, mine, áleýmettik paketti úıge jetkizip berip jatyr. Qorjyny baı eken. Alǵystan basqa aıtarym joq, – dedi bes balanyń anasy Gúlmıra Bekjanova.
Mektepke deıingi balalarǵa arnalǵan áleýmettik paket balanyń jas ereksheligine baılanysty eki sanatqa bólingen. 1-3 jas aralyǵyndaǵy sábılerge arnalǵan pakette ýltrapasterlengen sút, tátti pispe nan, júgeri jáne jarma untaǵy, gıpoallergendi botqa, al 3-6 jas aralyǵyndaǵy balalarǵa makaron, kúnbaǵys maıy, gematogen, tańerteń ishetin sút túıirshikteri, bal bar.
Gıgıenalyq pakette balalarǵa arnalǵan krem, sabyn, tis pastasy, sýsabyn, tis shetkasy men kir jýatyn untaq bar eken. Olar ár otbasyna toqsanda bir ret beriletin bolyp shyqty.
– Oblys ortalyǵy boıynsha 1-den 6 jasqa deıingi 891 bala tamaq ónimderi men gıgıenalyq quraldary bar paket alady. Áleýmettik paket balaǵa 10 kúnniń ishinde jetkiziletin bolady, – dedi qala ákimdigine qarasty Jumyspen qamtý jáne áleýmettik baǵdarlamalar bóliminiń bastyǵy Aqbópe Manatova.
QOSTANAI
