Salǵyrttyq saldary

Tipti birneshe jyl buryn qalanyń «Soltústik» shaǵyn aýdanynda №62 jer úıdegi páterlerdiń birinde gazdyń aýaǵa taralýynan jarylys bolǵan. Saldarynan páterlerdiń de esik-terezesi qırap, 1980 jyly týǵan er adam zardap shekken edi.

Tilsiz jaýdyń zardabyn qań­tar aıynda qaladaǵy jekemenshik balabaq­shalardyń 4 búldirshini men tárbıeshisi de tartty.  Degenmen, gaz ıisinen ýlan­ǵan eki jastaǵy sábıler men tár­bıeshi qalalyq gı­perbarııalyq oksıgena­sııa or­talyǵyna jatqyzyldy. Qýan­tar­lyǵy, adam shyǵyny joq. Qala­lyq tótenshe jaǵdaı basqarmasy men «QazTransGaz» AQ ókilderi «Qarshy­ǵa» balabaqshasynda ýlaný oqıǵasy gaz kolonkasynyń aqaýynan shyqqan degen boljam jasady.

Aqpan aıynda shahardaǵy kóp­qabatty turǵyn úılerdiń birinde 26 jáne 28 jastaǵy eki áskerı qyz­met­kerdiń óli denesi tabyldy. Anyǵynda olar túnde úıdi jylytpaq bolyp, gaz plıtany qoldanǵan. Sóıtip ózderi uıqyǵa jatqan. Belgili bir ýaqyt­ta kógildir otyn sónip, qaıta qosyl­ǵanda, ýly gaz bólmelerge tarapty. Qalalyq tótenshe jaǵdaılar depar­tamentiniń basshysy Nurbolat Der­bisov datchıkten bólmede gazdyń ıisi bar ekenin anyqtaǵanyn aıtady.

Apatty jaǵdaı men qaıǵyly oqı­ǵalardyń sebebi týraly tótenshe jaǵ­daı qyzmetkerleri buǵan eń áýeli turmystyq salǵyrttyq, sosyn tur­ǵ­yndar­dyń gazben jylytý qondyr­ǵylaryn zańsyz ornatyp alýy sebep bolyp otyr deıdi.

«Qys mezgilinde turǵyndar tereze-esikterin qymtap ustaıdy. Úıdi jylytý úshin qosymsha elektr togyn qo­sa­dy. Onyń kóbisi gaz arqyly j­umys ist­egennen keıin ýlaný prosesi ór­shıdi», dedi qalalyq TJD basshysy Nurbolat Derbisov.

Shymkenttiń «Samal», «Ynty­maq», «Qazyǵurt» shaǵyn aýdandary­men qatar birqatar kóshede arnaıy qaýipsizdik sharalaryn túsindirý jumystary júrgizilgen. Jumys kúnderi turǵyndar úılerinde kóp bolmaıtyndyqtan mamandar halyq­qa kógildir otyn jaıynda úgit-nasıhat­ty arnaıy demalys kúnderi júrgiz­gen. Nátıjesinde, 1 táýlikte 2 myń úıdi aralap, 3 myń adam aldyn alý jumys­tarymen tanysty. Bul turǵyda «QazTransGaz» mekemesiniń ókilderi de arnaıy reıdke shyqqan. Qyzmetkerler turǵyndardyń kelisimimen ár úıge kirip, jylý júıesiniń jumys isteý barysyn teksergen. Gazdan aqaýy bar úılerge eskertý jasap, 5 kún ishinde qaıta jóndeýine múmkindik berildi.

Alaıda turǵyndar óz kózderine kórinbeıtin aqaýdy elemeı, onyń sońy joǵarydaǵydaı qaıǵyly oqıǵalarǵa ulasýda. Jýyrda Shymkent qalalyq tótenshe jaǵdaılar departamenti bastyǵynyń orynbasary, azamattyq qorǵaý polkovnıgi Madııar Jaqsybaev turmystyq gaz qurylǵylaryn paıdalaný kezinde órt qaýipsizdigi talaptaryn buzý saldarynan oryn alǵan qaıǵyly oqıǵalar jáne onyń aldyn alý boıynsha atqarylǵan jumystar jaıly sóz qozǵady.

Basshynyń aıtýynsha, bıylǵy jylý berý maýsymynda ýly gazdan ýlaný­dyń 10 oqıǵasy tirkelip, 10 adam qaıtys boldy, 4 adam jaraqat aldy. Jylytý maý­symy bastalǵaly beri tur­ǵyn úı sektorynda órt qaýip­siz­digin qamtamasyz etý jáne ýly gazdan ýlanýdyń aldyn alý maqsatynda TJ departamenti qala jáne aýdan ákimdigi, «QazTransGaz Aımaq» AQ Shymkent qalasy boıynsha fılıalynyń qyzmetkerlerimen, Nur Otan partııasynyń Jas Otan jastar qanatynyń eriktilerimen birlesip, túsindirý jumystaryn qarqyndy júrgizýde. Sonymen birge «Shymkent – TMD elderiniń mádenı astanasy» jyly aıasynda departament óziniń oqytý bazasynda órt qaýip­sizdigi qaǵıdalaryn saqtaý, azamat­tyq qorǵanysty uıymdastyrý jáne basqa da tótenshe jaǵdaılardyń aldyn alý máseleleri boıynsha densaý­lyq saqtaý uıymdary men bilim berý meke­meleriniń 43 qyzmetkerin oqytty.

Qala turǵyndarynyń basym bóligi jeke sektorda turady. Kóptegen úı or­talyq jylý qazandyqtaryna qosyl­maǵan, jeke gaz qondyrǵylaryn paıda­lanyp keledi. Degenmen, shetel­den engen qurylǵylarmen júı­eli tanyspaǵan nemese durys qoldana almaýdyń saldarynan ýlaný oqıǵalary tyıylmaı tur.

Osy rette tótenshelikter men gaz tara­tý­shy mekemeler turǵyndardy saq­tyq­qa shaqyryp, gazdyń ıisi shyqqan jaǵ­daıda baılanys tetik­terine habarlasýdy suraıdy. Sondaı-aq qandaı da bir jóndeý jumystary úshin arnaıy mamannyń kómegine júginýge shaqyrady.

ShYMKENT