Alańǵa Parlament depýtattary, saıasattanýshylar, akademııalyq qaýymdastyq ókilderi, jýrnalıster jáne qoǵam qaıratkerleri qatysty. Qatysýshylar Konstıtýsııa jobasynyń negizgi baptaryn jáne turaqty memleket qurylymyn qalyptastyratyn ınstıtýsıonaldyq ózgeristerdi talqylady.
D.Zákıeva óz sózinde adam quqyqtaryn, ásirese balalar quqyqtaryn qorǵaý memlekettik damý júıesinde mańyzdy oryn alatynyn atap ótti. Konstıtýsııa barlyq quqyqtyq qorǵaý júıesiniń negizi bolyp sanalady.
Onyń aıtýynsha, qujatta balalar quqyqtaryn qorǵaýǵa erekshe mán berilgen.
«Jańa Konstıtýsııa jobasynyń 30-babynda nekege, otbasyǵa, anaǵa, ákege jáne balalarǵa memleket tarapynan qorǵaý qarastyrylǵan. Bul – memlekettiń balalardyń áleýmettik qorǵaý, otbasy, densaýlyq saqtaý, bilim jáne qaýipsizdik quqyqtaryn qamtamasyz etýge jaýapty ekenin bildiredi», dedi Zákıeva.
Qazaqstanda balalar quqyqtaryn qorǵaýdyń keshendi júıesi qalyptasqan. Konstıtýsııadan bólek, bul quqyqtar «Qazaqstan Respýblıkasyndaǵy balalar quqyqtary týraly» zańda jáne birqatar kodekster men normatıvtik aktilerde bekitilgen.
2025 jyldan bastap óńirlerde balalar quqyqtaryn qorǵaý boıynsha arnaıy basqarmalar men bólimder jumys isteı bastady, bul balalarǵa ınstıtýsıonaldyq qoldaýdy kúsheıtti. Sonymen qatar, otbasy máseleleriniń aldyn alý baǵytynda da júıeli jumys júrgizilip jatyr.
«2025 jyly mobıldi toptar arqyly 13 myńnan astam kómekke muqtaj otbasy anyqtaldy, al otbasy qoldaý ortalyqtaryna 17 myńnan astam otbasy tirkeldi», dedi Zákıeva.
Sonymen qatar, statıstıka balalar quqyqtaryn qorǵaý máselelerine turaqty kóńil bólýdi qajet etetinin kórsetedi. Keıbir óńirlerde balalarǵa qatygezdik kórsetý nemese qolaısyz jaǵdaıda turý faktileri tirkeledi. Mundaı jaǵdaılarda memlekettik organdar ata-analyq quqyqtardy shekteý nemese alyp qoıý, qylmystyq is qozǵaý sııaqty sharalardy qoldanady.
Zákıeva atap ótkendeı, osy sebepten tıisti kepildikterdi Konstıtýsııa deńgeıinde bekitý mańyzdy.
«Konstıtýsııa tek quqyqtyq normalardy ǵana anyqtamaıdy, sonymen qatar qoǵamnyń damý qundylyqtaryn belgileıdi. Adam quqyqtary men balalar quqyqtarynyń konstıtýsııalyq kepildikterin kúsheıtý – memlekettiń turaqty ári ádil damýynyń mańyzdy sharty», dedi ol.
Saıasat Nurbek: Jańa Konstıtýsııada ǵylym men ınnovasııaǵa basymdyq berilgen
Sarapshylar platformasynda jańa Konstıtýsııa jobasy adam quqyqtaryn qorǵaýdyń, otbasyn qoldaýdyń jáne balalar qaýipsizdigin qamtamasyz etýdiń keshendi quqyqtyq negizin qalyptastyratynyn, sondaı-aq memleket pen qoǵam damýynyń strategııalyq baǵyttaryn aıqyndaıtynyn atap ótti.
Jańa Konstıtýsııa jobasynda azamattardyń múddesi men quqyǵyn qorǵaý basty nazarǵa alynǵan
